اقتباسات ماهر عبد الحميد

أهلًا بك في عالم النمط غير المنتظم (الخائف) حيث «كل حاجة وعكسها».

التعلق التجنبي الخائف ..

أوقات باحس بانفصال شديد عن نفسي ومشاعري.

التعلق التجنبي الخائف...

حاسة إني باتمزق بين الرغبة في الحب وبين الرغبة في الهروب.

‫النمط القلِق للأسف، برغم احتياجه للحب الشديد والاقتراب، فبينتهي بيه الحال مع النمط التجنبي المعاكس له واللي بيرغب بشدة في الاستقلالية وبيخاف بشدة من الحميمية والقرب.

لكن بدلًا من إنهم يشوفوا دورهم في الحكاية بيأكد أصحاب النمط القلِق أفكارهم مرة أخرى لأنفسهم (مفيش أمان بجد. مفيش حب. مفيش حاجة مضمونة. أنا هاتساب دايمًا مهما عملت ومحدش هيتمسك بيَّ).

أوقات أصحاب النمط القلِق هما اللي ببيقوموا بإنهاء العلاقة من نفسهم أولًا لو شكوا في رحيل الآخر أو رفضه، وكأنهم بيقولوا بيدي لا بيد عمرو، أو أرفضه قبل ما يرفضني.

التعلق القلق ..

بيحاولوا يكونوا معاه طول الوقت سواء في نفس المكان أو بالاتصالات والرسائل، بيتطقسوا على أخباره وبيتلصصوا عليها، مهووسين بيه ومشغولين البال، بيفكروا فيه وبيشكلوا حياتهم كلها حوله ومش مركزين في نفسهم وحياتهم ...

عايزين كلام حب ومديح وإعجاب باستمرار، وتأكيدات وتطمينات إنه مش هيسيبهم أو هيتخلى عنهم، وعايزين قرب جسدي وأحضان وتعبيرات عن الحب والمودة وتلامس بشكل مفرط.

العلاقات رفقة في الرحلة، ونس واطمئنان ومشاركة وتجاور وأحلام مشتركة للمستقبل ولباقي الرحلة.

غريزة الاستكشاف والتعلُّم: غريزة التوسع والمعرفة واكتساب الخبرات وإثراء الذات والتجريب والفاعلية والنمو واللعب والعمل والبحث عن المتعة والإنجاز، والغريزة دي بتنشط لما نكون مطمنين وحاسين بالأمان اللي بيملانا بالشغف والفضول.

شكله جيد الكتاب

على الطرف القلِق عدم التمحور حول العلاقة وصنع اهتمامات أخرى، عمل وهوايات وأصدقاء، وضبط توقعاته من ناحية الاهتمام والانتباه.

بلاش تنازلات على حساب نفسك لإرضاء الآخرين.

اشتغلي على الاستقلالية، وحددي لنفسك هدف أو هواية أو طموح وأصدقاء وعمل مش مرتبطين بشريك الحياة، ووسعي مصادر إشباع احتياجاتك للحميمية والأمان والاهتمام والاحتواء.

كمان ما بيقدروش يتحملوا اختلاف الآراء حتى لو تافه

‫• لأنهم غالبًا عزاب، الآمنون خلصوا من بدري ومخلصين لبعض، القلِق بيقع في مين بقى؟ في اللامكترث اللي بيلاقيه في كل مكان.

للأسف حلهم الوحيد محاولة التعافي وليس الرجوع أو الانشغال بعلاقات أخرى.

بيتعامل مع الرفض والانفصال والوحدة بالانتقال من علاقة لعلاقة بسرعة عشان ينسى العلاقة السابقة،

(من غير علاقة بيبقوا حاسين باللاشيء والضياع واللاأهمية)، وبيربطوا قيمتهم بيها،

القلِقون بيبقوا مهتمين جدًّا بإثبات الذات وتأكيد قيمتها واللي بيستمدوه من قبول الآخر ومن استمرار العلاقة (إنهم حلوين ويتحبوا ويستاهلوا)، لدرجة إن الآخر لو منح لهم الفتات هيرتفع مزاجهم بشكل كبير.

يتعامل بطريقة أخرى وموارد أخرى للحصول على الإشباع أو حل المشكلة من أصلها،