اقتباسات ماهر عبد الحميد

الإحساس بالحصار: جواك تمامًا إنت عارف إن الشخص ده والعلاقة دي مش نافعة بس صعب عليك تمشي.

إن النمط القلِق يغضب بشدة ويهرب هو وياخد قرار الرحيل (أسيبه قبل مايسيبني) ...

إحنا في النهاية مجموعة أنماط تعلُّق، جوانا نماذج لأنماط عديدة كوناها من علاقاتنا مع الأم والأب والإخوة والأجداد وغيرهم.

في أعماق القلِقين جوع شديد للحب والموافقة بيخليهم يستخدموا طرق غير صحية للتفاعل مع الآخرين والحفاظ على العلاقات. وعشان هما الأكثر اعتمادية عاطفيًّا على العلاقات فهما غالبًا بيعرفوا نفسهم بيها (من غير علاقة بيبقوا حاسين باللاشيء والضياع واللاأهمية) ..

❞ النمط القلِق هو أكثر الأنماط صعوبة في التعامل مع غضبه ... تناقض الغضب واضح فيه: عايز حضن واقتراب وغضبان إنه مش حاصل عليهم، وغضبان إنه محتاجهم، وبيغضب عشان مش قادر يطلبهم، وبيغضب من اللي عاوزهم منه، وبيغضب لو أخدهم وما بيهداش.

بالأنماط غير الآمنة أكثر ميلًا للغضب عن النمط الآمن، عندهم درجة عالية من الحساسية للتهديدات أو التفاعل مع المشاعر السلبية، كمان هما عندهم درجة منخفضة من الثقة في الآخر، وبالتالي بيبذلوا طاقة كبيرة في حماية أنفسهم من الشعور بالشكوك الذاتية وعدم الأمان والقلق وحتى الغضب، كل المشاعر السلبية هي بمثابة تهديد بالنسبة لهم، تهديد لإحساسهم بذاتهم، بيبذلوا طاقتهم لحماية نفسهم من مشاعرهم السلبية ومشاعر الآخرين، وفقدانهم للاتصال بمشاعرهم بيدخلهم في حالة من التشوش، وبينفصلوا عنها أكتر، وده بيدخلهم في حالة من التشوش، وبينفصلوا عنها أكتر، وده بيدخلهم في حالة من القلق والغضب والاكتئاب.

المتناغمون هم الأقل خلافًا، والأقل تصعيدًا لخلافاتهم، والأسهل والأسرع خروجًا منها، وهم أكثر تناغمًا وثقة ونموًّا.

النمط القلِق محتاج يعرف إن احتياجاته أكبر من العادي، وإن تلبية احتياجاته من حيث الكم والقوة والاستمرارية صعب على أي حد ...

ودي مهمة تانية أمام صاحب النمط القلِق وهي التفريق، اللي بيحصل فعلًا بسبب الآخر ولا بسبب مخاوفي، ودي برضو حلها التواصل الجيد).

النمط القلِق عنده مجموعة مشاكل بتأثر على عملية التواصل: هو بالرغم إنه عارف هو عايز إيه وخايف من إيه بس ما بيعرفش يعبر بشكل مباشر وواضح وهادي....

‫أصحاب الأنماط غير الآمنة محتاجين يحطوا في اعتبارهم حاجتين: إنهم محتاجين يختاروا اختيارات لأشخاص لا تعيد الماضي وتستطيع إشباع احتياجاتهم وتطمين مخاوفهم، وإنهم يراقبوا تأثير أنماطهم على الطرف الآخر وعلى العلاقة.

عندما نخاف نحن لا نجيد الرقص، وربما نحول الرقصة الناعمة إلى مباراة ملاكمة.

النمط القلق والثقة وشريك الحياه ..

أو ربما مدفوعين بأمنية لاواعية إننا هنلاقي اللي هيتحملنا ويتمسك بينا مهما فعلنا من سلوكيات مزعجة ومتعبة (فنتأكد إنه أكيد بيحبنا جدًّا ومتمسك بينا جدًّا)، وده بيخلي البعض منهم ممكن يتمادى في التصرفات المتعبة والمطالبات العاطفية وكأنهم بيختبروا تمسك الآخرين بيهم، ولما ده ما يحصلش وينتهي بيهم الحال مهجورين، بيتأكد عندهم الخوف العميق إنهم هيتسابوا، وإن محدش هيتمسك بيهم، وإنهم وحشين ومتعبين، وإن مفيش أمان لحد أو لشيء.

كملنا حياتنا كلها بنهرب من أي حالة تظهر جوانا حالة الهلع، نلغي مشاعرنا ونعيش آلات، أو بندور على مصدر خارجي نهدِّي به نفسنا (أكل، جنس، استهلاك، مخدرات، كحوليات، علاقات كتيرة، حب كتير، عمل مرهق، إنجاز، وغيرها) بتبقى كل شخصيتنا وحياتنا وسلوكياتنا محاولات للبقاء والنجاة من الخوف فقط.

«عفوًا، هذا الشخص غير موجود بالخدمة (نهائيًّا أو مؤقتًا)، نرجو الاقتراب في وقت لاحق».

مش معنى إن حد مش عايز التزام إنه عنده مشكلة، فيه ناس كده ومش عايزين حب أو علاقات طويلة أو التزام، وشايفين إن ده المناسب لحياتهم. المشكلة لو إنت عايز علاقة حقيقية ومش عايز التزام.

أصحاب النمط الخائف عايزين يحبوا ويتحبوا ويتفهموا ويحسوا بالأمان بس ما بيعرفوش يعملوا ده، وده بيخليهم يحسوا بإحباط أكبر وتوتر وكراهية للذات ...

اصحاب النمط الخائف ... بيلاقوا نفسهم مزنوقين بين فكرتين، عايزين علاقات وعارفين قيمتها بس خايفين منها ومن الطرف الآخر فلا بينفتحوا عليه ولا بيبعدوا عنه، والنتيجة اللي بيوصلوا لها في النهاية إنهم ما بيقدروش يحافظوا على العلاقة، والطرف الآخر بيقرر يبعد بسبب الإرهاق..

صاحب النمط الخائف عنده خوف متساوي، الخوف من القرب والخوف من البعد، وده اللي بيخليه متجمد في منطقة وسط أو متردد ومش عارف يمشي في أي اتجاه هو بيخاف من الحب وبيخاف من الهجر والرفض، عايز حب شديد بس خايف منه بشدة.

سبب تكون التعلق التجنبي الخائف ..

أهم الأشخاص لنا، أكتر حد حبناه واعتمدنا عليه ووثقنا فيه إنه هيحمينا وهيهتم بينا هما أكتر ناس خانونا وأصبحوا مصدر الألم والإيذاء والخذلان.