بلدة صغيرة لا يعلم بوجودها معظم الناس

و جثة لرجل في الستينات

ونقيب دماغه كلها شمال بتحركه الشهوات

و شايف الجريمة مجرد فرصة يتلهي فيها

قرية مقسومة في المعتقدات

فيها الملحد وأصحاب ديانات

بس الظاهر أنهم عايشين فى سلام

ياترى بقى اللى عمل الجريمة عايز يعمل فتنة ويزعزع الاستقرار 🤷‍♀️

بما أن القتيل طلع قس القرية 🤔

ولا يمكن القس كان عنده مشاكل مع حد

ده اللى هيحاول النقيب " نوريو" يكتشفه

لكن الرواية مش مقصود بها البحث عن القاتل

على قد ما بتكشف نفوس وأفكار سكان البلدة

مش بس سكانها لأ كمان اللى حاكمنها وعاملين فيها حامينها وخايفين على مصلحتها

عارفين المثل يقتلوا القتيل ويمشوا فى جنازته اهو هما دول بقى 😄 بس معنى كده أن ليهم يد فى قتل القس الحق يتقال 🤷‍♀️

بس هما ليهم يد فى تسميم أفكار الناس

وغض البصر عن أخطاء الكبار وتعليق المشانق للفقراء…

حتى النقيب اللى المفروض يرد الحق المظلومين

مكانش شخص سوي وسليم … ده شخص مقزز ومريض ( الصراحة قرفانة منه طول الرواية 🤮)

الرواية مش من نوعية مين القاتل؟

الرواية اجتماعية بتناقش فكر أهل قرية أوروبية على الحدود منسية بيحكمها شوية ……. ولا بلاش 🫢

الرواية بالنسبة ليا حبيت القصة وطريقة سردها

والفكرة اللى عايزة تناقشها

والترجمة بالمصطلحات المستخدمة عايشتني أجواء القرية بالفعل 👌

لكن ما يمنعش أن فى نصها حسيت ببعض الملل ( الجزء الخاص برحلة الصيد ) مش كبيرة قوى … وطبعا محتاجة أنوه عن تصرفات النقيب بالذات أنها ++ وكمان أفكاره حاجة آخر يععع 🤮

بس فى المجمل عجبتنى القصة صحيح سوداوية بس هذا ذوقي 😁

#الغسق

#فيليب_كلوديل

#لطفي_السيد_منصور

#تنمية_للنشر_والتوزيع

#مكتبة_دنيا