الاستراحة الاخيرة

Mohammed Esmat

إصدارات Abjjad | أبجد الصوتية

130 دقيقة

القصة بتبتدي بيوم عادي سامي صحى من نومه واخد ال shower وال breakfast وحبس بخناقة متينة مع المسكينة مراته علشان يبقى راجل شرقي أصيل وكزوجة أصيلة بردوا قلبها حسبن عليه وإن كانت منطقتهاش بلسانها لأن بناتنا مؤدبين ففجأة ولأن ربك رب قلوب ومع المظلوم دايماً وهو على طريق ومسافر يؤدي مهام وظيفته ويحصل فواتيره تقوم عاصفة ولأن البيه كالعاده زي غيره متعود ينفض لأي حاجه فنفض انه يحط بنزين في العربية لآخر لحظة لكن العاصفة سبقته والإشارة بقت مشوشة والشبكة راحت والطريق طول وبقى غريب ومكانش فيه مفر من انه يتمسك بآخر امل له مبنى ظهرله وكان هو ملاذه استراحة ومش بعيد أبداً تكون الإستراحة الأخيرة.

ايه سر المكان ده؟

وايه اللي ممكن يحصل من يوم يقضيه سامي هناك؟

هل حيقدر يتعامل مع المجهول اللي حيقابله هناك؟

كل دي حاجات حتعرفوها لما تسمعوا القصة

عن نفسي بحب فكرة القصص اللي بتتكلم عن رعب الطريق بحسها بتخطفك من الأجواء اللي حواليك وخصوصا ان كلنا بنروح مشاوير بعيدة وبنسافر فبحس انها اقرب لنا وبتاعتنا اللي هو احنا ممكن نبقى الابطال مش لازم نورث سراية عمنا اللي في كندا وتطلع مسكونه والجو ده وكمان بتخلص بسرعه مسافة الطريق فعلا زي نوفيلا النهاردة ساعتين زمن وكنا ترعبنا واتعلمنا واستمتعنا وكله تمام.

المؤثرات والموسيقى التصويرية اخدت النوفيلا في حته عاشرة ويمكن كانت بتشارك الابطال ونجاح العمل اتقسم بينهم بالنص.

أحداث العمل كانت تصاعدية بس بالعقل هادية ومربكة في نفس الوقت لان الواحد مش حمل فرهده بصراحه يعني انا حتخض واشهق وانا قاعده مش لازم تنطيط ومشي ع الحيطان بجد😂

اصوات الشخصيات كانت لطيفة وخصوصا صوت الحاج صالح كان محمود ياسين في ودني جدا كنت محتاجه بس يتكلموا اسرع سيكا لان هدؤهم ينيم.

حبيت فكرة أن الحق رجع وعدالة السماء تحققت وان كانت المواجهة اتأخرت كتير لكن حسيت بظلم بردو ان عم صالح هو اللي راح فيها مع ان الذنب ذنب والده مش عارفه بس حسيت بالشيء ونقيضه فعلا.

اسم نوّاره فكرني بصديقة ليا توافاها الله وهي شابة حوالي 20 سنه وحسيت انه سبب اني اطلب منكم تدعولها ربنا يرحمها.

تجربة لذيذة برشحها واتمنى يكون الاستاذ سامي اتعظ وعرف غلطه 🤷‍♀️

#مسابقات_مكتبة_وهبان

#مسابقة_ريفيوهات_الاستراحة_الأخيرة

#أعمال_أبجد_الأصلية