أنا طاهر محمد علوي

بطل رواية عكس اتجاه الصخب

تقريبا كنت هتسبب في حالة من الجنان  لكتير من القراء أثناء قراءة الرواية.

لكن مش مهم المهم أني رسالتي تكون وصلتهم ، و اوعدكم أني  هحاول اعالجهم من اللي عملته فيهم و اللي اتسبب لبعض منهم في حالة اضطراب بين الواقع و الخيال

رواية عكس اتجاه الصخب للكاتب عمرو دنقل و قراءة أولي لقلمه

زي ما قال طاهر علوي الرواية اتسببت أني اعاني من حالة اضطراب لأني شوية احس أني ده حقيقي و شوية ده استحالة يكون بيحصل فعلا ،انا كنت على تكة و اخد المسخ و ننزل نتمشي شوية .

في بداية القراءة قولت لنفسي مش كان الأفضل استخدام العامية في حديث طاهر مع نفسه ،لكن مع الوقت لقيت أني الكاتب قدر يكتب العمل بفصحي مناسبة للرواية بامتياز.

بمناسبة توهان طاهر علوي فأنا اعتقد كان ممكن يكون في اختيار مختلف ل اسم الرواية و ده لأني طاهر كان مجبر انه يكون عكس الاتجاه مش اختار ده بإرادة حرة.

مشاهد طاهر في ميدان التحرير رغم أني كتير مننا شافها أو كان موجود فعلا هناك الا أنها  قلبت علينا مواجع و فكرتنا بالخازوق اللي اسمه ربيع عربي.

اعتقد كمان كنا محتاجين  فصل زيادة يكون للزوجة و الابناء و نعرف طاهر من نظرتهم هما.

نيجي بقي للنهاية و دي أنا كنت متوقع جزء أني طاهر هو الطبيب النفسي و كان باين من كلام عجيبة البواب

لكن كنت اتمني يكون في تسمية ل اسم مرض عقلي معين لاني الأعراض متشابهه مع كذا مرض و كمان فكرة انه في عامل وراثي وظهر تقريبا عند ابنه في مرحلة الثلاثينيات  أو منتصف الأربعينات كان محتاج تكون محددة من الكاتب.

لكن العمل يظل تجربة مختلفة في انك تكون بتقرأ أوهام و ضلالات مريض و مكمل قراءة  .

❞ كم كلَّفَتنا زلّاتُ اللسان، وأطاحَت بما نريدُ بعيدًا عن المبتغى. ❝

❞ لقد أخطأتُ مرةً ثانية. لكن لا داعيَ للقلق؛ يبدو أنَّ ذلك ما يُطلَق عليه رهبةُ البِدايات. سيتحسَّن الأمرُ فيما هو قادم، وسأتكلَّم إليكم بوجهٍ آخرَ يليقُ بهَول ما سآتيكم به؛ إذ الأصحُّ في مثل هذه الحال أن نقول ❝

❞ لا كراهَة بغَير علَّة، ولا هيامَ بلا دافع. ❝

❞ للنساء قدرةٌ عجيبة على التجاوز والمسامحَة. ❝