رجعت تانى مع " بيج " المترجمة الخاصة بالصم
واللى فى الجزء الأول من رواية "جريمة فى منزل الصم " اتعرفنا عليها وعلى الكثير من الشخصيات اللى كملت معانا فى الجزء ده #تلك_الليلة_الصامتة
تتولى " بيج " العمل على ترجمة لغة الإشارة للمحققين فى قضية اختفاء " ليون " الفتى المفقود من رحلة مدرسية وأثناء البحث عن الفتى يتم العثور على جثة مدير المدرسة واللى كان مشرف على الرحلة🙄
هل فيه رابط بين اختفاء " ليون " و قتل السيد ولكنسون؟
طيب تفتكروا ليون له علاقة بالجريمة 🤔
يعنى معقول طفل عنده ١٥ سنة يجيله الجرأة يعمل كده 🤷♀️
آثار الدماء اللى جنب الجثة والسكين بيقولوا أن الولد ممكن يكون له يد ✋🏻 فيها..
أو يمكن شاهد على الجريمة
طيب اختفى ولا اتخطف 🤔
تبدأ التحقيقات مع اللى كانوا موجودين فى الرحلة معاه
ياترى يعرفوا عن " ليون " ايه
وكان مخبى ايه
والمدير شاهد على ايه
وكادر المدرسة كلهم فيهم شىء مريب بيحاولوا يداروا عليه
همز ولمز ولغة اشارة بين أصحاب ليون المقربين
وطبعا مش لاقطهم غير مين 😉 " بيج " أكيد 🤷♀️
هتفضل وراهم هى و المحقق " سينغ"
أسرار كتير هتتكشف فى التحقيق وكل معلومة هتظهر هتفيد أكيد هتحير صحيح وهتشك فى كل المحيطين بس التويست رهيب وكان بعيد عن التفكير 👌
حبيت الجزء التانى بحبكته أكتر من الأول، جزء ملىء بالأحداث مع جرعة عالية من التشويق
ممكن تلاقى بس بعض التصرفات من بعض الشخصيات ما تتناسبش معاك بس ماذكرتش بالتفصيل فبالتالى ما اثارتش ضيق معايا أثناء القراءة.
الجزء ده منفصل متصل، يعنى متصل كشخصيات لكن منفصل كجريمة
لو حابب تعرف أكتر عن شخصيات الرواية يبقى يفضل تبدأ بالجزء الأول
لكن لو هتقراها كجريمة وتحقيق فهتندمج عادى وهتفهم اللى فيها 😊
#مكتبة_دنيا
#قراءات_٢٠٢٦