هل فعلا فاقد الشئ لا يعطيه؟

و هل مواجهتنا للماضي بتكون نوع من تصفية الحسابات المؤجلة و اللي لازم تحصل علشان نغير حياتنا للأفضل ؟

الاسئله دي و غيرها حتلاقيها بتدور في دماغك بعد ما تخلص #قراءة #رواية ( ظل أبي ) للكاتبة آية ياسر .. #الرواية عبارة عن #دراما إجتماعية سوداوية بتتكلم عن مأساة بتعيشها بطلة الرواية من صغرها و بتكبر معاها هي و اخواتها و أمها بسبب تسلط الأب و قسوته المفرطة و الظلم اللي واقع عليهم منه و تربيته ليهم القائمة علي العنف و الخوف و الشدة الزيادة عن الحد بدل ما يكون السند و مصدر الأمان و الحماية ليهم... #الرواية حلوة جدا و تخلص في قعدة و مش حترضي تسيبها من ايدك لما تبدأها إلا لما تخلصها ، لغة السرد فيها عربية فصحي بسيطة و سلسه و الحوار بالعامية كان موفق جدا و #الكاتبة كانت شاطرة في التلاعب بالقارئ في موقفين و مش حقولهم علشان محرقش أحداث الرواية .

لكن نيجي بأه لسلبيات العمل .. مفيش تعرف كافي علي شخصيات العمل و بناء كامل واضح ليها يخلي في رلبطة تعاطف قوية من #القارئ اتجاهها و إن قدرت الكاتبة ببراعه تتغلب علي نقطة الضعف دي بسردها الرواية كحدوته إجتماعية مأسوية بشطارة منها في الحكي و ده اللي أجبرني إني عاوز أكمل العمل و شغوف إني اخلصه علشان اعرف #النهاية اللي كانت مبهجة ليا صراحة و فرحتني جدا .

الخلاصة .. الكاتبة عرضت مأساة إجتماعية واقعية متواجده جوه بيوت كتير في مجتمعنا في صورة حدوته قدرت تحكيها ببراعة و ده دليل علي إنها حكاءة شاطرة و موهوبة بالفطرة و ليها مستقبل قوي في مجال الكتابة خصوصا لو اشتغلت علي نفسها أكتر.

تقييمي للعمل علي Abjjad | أبجد ⭐⭐⭐⭐⭐.

#ريفيوهات