◀️ طاهر علوي .. يعاني من "فصام بارانوي" حاد تظهر عليه ضلالات عظمة ذُهانية، وترافقه هلاوس سمعية وبصرية مستمرة تدفعه لتجسيد الجمادات والتحدث معها كأنها كائنات حية.

​سنعيش معه رحلة صراع داخلي ، بين حاضر مشوش وماضي محرّف لا تسعه الذاكرة؛ تخبّط يعاني منه و كل من حوله.

▫️​القاعدة هنا .. لا توجد حقيقة ثابتة في الرواية.. وكل واقع معرض لكونه محض وهم!

🔸️ خلال القراءة، ستمر بك أحداث سياسية هامة ( كانت مؤثرة في تشكيل شخصية طاهر وفي الحالة اللي وصل ليها )

▫️عجبني جداً توظيف هذة الأحداث ؛ لإنها مكانتش مجرد خلفية تاريخية، دي كانت جزء بيتفاعل مع مرض طاهر وبيغذي هلاوسه ومكتوب بذكاء شديد

🔸️ تأتي الرواية على لسان 3 أشخاص :

• طاهر علوي

• محاميه

• القسم الثالث والأهم يأتي علي لسان ( السجّان الأعظم ) كما سماه طاهر علوي

▫️الرواية مش بتناقش المرض وبس.. أنت هتعيش حرفياً جوا دماغ المريض، هتحس بتوهان ولخبطة !

​وهتتصدم بالنهاية اللي هتخليك عايز ترجع تبدأ الرواية من جديد

رواية نفسية فلسفيه مرهقة مش سهلة، محتاجة ذهن صافي وقراءة متعمقة .. ولكنها تستحق كل وقتك، وهي حتماً من الروايات اللي مش هتنساها بسهولة.

#مسابقة_ريفيوهات_عكس_اتجاه_الصخب