هلدا شرطية 👮🏼 على وش تقاعد
يادوب شهور وتسلم قضاياها 🗂️ للى عليه الدور
فجأة قالولها لحد هنا وستوب ✋🏻
نشكرك لحسن تعاونك معانا لحد دلوقتى 🤝
بس أنا لسه فاضلى كام شهر
امشى ليه من دلوقتى
سلمى ملفاتك و شكرا لخدماتك 🫡
بس ممكن تتسلى كام يوم فى قضية من قضاياكى اللى فاتت
وجت فرصتها تفتح ملفاتها
وتدور فى القديم على قضية تكون لسه فيها شك فى التقفيل
يعنى ما اتقفلتش بضمير، تثبت فيها أنها لسه قدها
وهما اللى خسرانين ..
وكانت القضية لفتاة روسية طلبت اللجوء وكانت مستنية دورها فى الموافقة على طلبها
لكن لقوا جثتها عايمة فى المياه
قالوا انتحرت
واتقفلت القضية
لكن هلدا كانت ليها رأى تانى
وكل ما بتتمادى بتتأكد من اللى فى بالها
الموضوع مش انتحار قلب الظابط بقى 😄
وتبدأ هلدا تعيد التحريات
لكن فى طريقها كانت بتعك فى بعض الأحيان
وبدل ما تحسن صورتها قدام مديرها
كانت بتلخبط قضايا تانية وتبوظ الدنيا 🤦🏼♀️
يا ترى فى النهاية هتوصل لشىء
هتعرف الحقيقة فين ❓
ولا هتروح تحرياتها على مفيش🤷♀️
الرواية بوليسية خفيفة ومشوقة بالنسبة ليا
حبيتها بأحداثها بالرغم أن فيه احداث فى النص ملهاش علاقة بالقضية من الأصل، فممكن تحس بالتشتت لكن أنا حسيتها اكتر بتبين حياتها وطفولتها واسباب شعورها بالوحدة وتمسكها باللى يشغلها.. ده غير حياة هلدا السرية اللى متدارية ورا لبس الشرطية 👮🏼 😉
أول جزء من سلسلة آيسلندا الخفية وناوية أكمل باقى السلسة
الترجمة كانت جيدة جدا حبيتها وحسيت كأنها لغتها الأصلية💙
#مكتبة_دنيا
#قراءات_٢٠٢٥