- لازم اعترف أني بدأت قراءة العدد /القضية و انا عندي خوف أني اتصدم و الاقي نفس مشاكل القضيتين اللي فاتوا.

- لكن الحمد لله ظني خاب و اقدر اقول اني القضية دي عودة قوية لعدد مكتوب و محبوك حلو مش بس من حيث الكتابة لا كمان المراجعة اتحسنت كتير و ان كان في كام خطاء عدي .

- قارئ القضايا السابقة و رواية 3110 عارف تاريخ حلمي مهران و الشخصيات كويس و عشان كده صعب اكلم عنهم لكن حاجتين مهمين في العدد ده اكلم عنهم.

- نهاية القضية دي فيها مفاجاة من العيار الثقيل مش عارف هتبقي بداية ل جزء تاني من 3110 ولا ممكن تغير في حياة حلمي ايه .

- شخصية سامح الديب رحمه الله عليه اللي قرر الكاتب احمد عثمان يخلد ذكراه و يعرف القارئ عليه اعتقد اننا كلنا نفسنا يكون عندنا صديق زي الديب يكون سند و ظهر و اخ اكتر من الاخوات .

-رثاء الكاتب لصديقه مؤثر جدا و زي ما كان يا بختك بيه فهو كمان يا بخته بيك يا استاذ احمد لانك فكرت ازاي تعرف كل قارئ عنه.

- و في الاخير مرحب برجوعك لينا يا حج أحمد يا عثمان من تاني لمسار قوي للقضايا.

❞ الرحلة مهما طوّلت قصيرة، المهم تخلّص فيها اللي المفروض تخلصه، لازم تنجح في الامتحان زيي يا «حلمي»، ممكن في أي وقت تتسحب منك الورقة، خلي بالك من إجاباتك❝