قرية اختفى أهلها

بيقولوا من 6️⃣0️⃣سنة

بيوت 🏡 خالية من الناس

بس فيها بواقى من حياة

اسرة 🛏️ ومفروشات عدى عليها الزمان

حيطان شاهدة على صور لعائلات

كانت مالية البيوت بالذكريات

كله اختفى فجأة من غير أسباب

لعنة نزلت على القرية ولا وباء

ايه السر فى اختفاء السكان

مافضلش منها غير جثة مصلوبة فى الطرقات

شاهدة على رجمها لحد الممات

ورضيعة بيقولوا أنها الناجية الوحيدة من بين كل اللى كانوا هناك

مجموعة من الشباب قرروا يرجعوا للقرية

بعد مرور سنوات

لحل لغز الإختفاء

و ينوبهم كمان مشاهدات من الفيلم الوثائقي 🎥 اللى هينفذوه هناك

بس ياترى عارفين هيقابلهم ايه

وهل هما مستعدين

طيب مجمعين عنها معلومات

طيب عرفوا يوصلوا للناجية من الهلاك

وحتى لو وصلولها هتعرف ايه عن اللى حصل زمان

ديه يادوب كان عمرها أيام

بس أكيد فيه حد شاهد على الأحداث

قريب من بعيد مكانش هناك

وعرف الأخبار من التحريات 🤷‍♀️

هنشوف الشباب هيعرفوا السر ازاى

وهنعرف كمان خبوا ايه عن بعض هما كمان 😉

مش يمكن وراهم أسرار وأخدوا التصوير حجة لشىء أكبر من اللى كان معموله بلان 😉

القصة مش رعب على قد ما هى تشويق

عيبها الوحيد التطويل اللى أفقدنى المتعة فى بعض الأوقات بس كانت عندى مثابرة 😀 أعرف راحوا فين السكان 😃 الفضول بيخلينا نستحمل فرهدة ورغى كتير بس هنعمل ايه منه لله التشويق

الأحداث بتنقسم لزمنين مختلفين

ما قبل الإختفاء وبعده بـ ٦٠ عام

فمحتاجة تركيز علشان تربط بينهم وما تتوهش بين الزمنين علشان الشخصيات كتير والعلاقات متشابكة حبتين

نيجى للنهاية فيه حاجات فضلت غامضة بالنسبة ليا شويتين وتوهت شوية يمكن من كتر التطويل بس عديت فى الآخر على خير وما اثرتش على فهمى للأحداث..

حبيت فكرة الرواية لكن نقص من متعتها التطويل الكتير

الترجمة كانت موفقة ونقلت الأحداث بطريقة سلسة 💙