1️⃣3️⃣ قصة هياخدونا لقيود ربطنا بها نفسنا وأتهيىء للبعض فينا أنها للصالح وفى المضمون.

لكن مع الوقت بنكتشف أننا ربطنا نفسنا بسلاسل من وهم خنقتنا وخنقت اللى حوالينا بجد ومش عارفين ازاى تتفك 🤷‍♀️

سلاسل من التحكمات ( من جميع الفئات مش لازم يكون من أب أو أم ممكن يكون من زوج، صديق أو صديقة بصوت ليلى علوي فى حب البنات 😄حتى الجمادات هى كمان سبناها تتحكم فينا) الخوف المرضى من الفراق والهجر، الهوس والجنون، الادمان مش مجرد للممنوعات ده الادمان مشكل فى القصص والحكايات، التفريق والتدليل ، التلصص وحب متابعة الغير، السيطرة وما أدراك من مين 😉، وحب الذات لما يقلب الشخص لعدوانى كمان حتى الحب لما بيزيد عن حده بيتقلب لضده.. قصص حلوة وبجد استمتعت هتلاقي منهم من الواقع وكمان مكتوبة من القلب💙، و بالرغم أن أغلبهم من النوع الإجتماعى إلا أنك هتلاقى فى بعض القصص اللى هترعبك فكرتها واللى هتسرح بخيالك وتحس أنك فى خيال علمى اتسحبت..و فى ختامها هتضحك من القلب وهتفهم لما توصل للفينال 😁

كنت كاتبة نبذة عن كل قصة واللى حسيته منها بس لقيت أن الريڤيو هيبقى طويل وقلقت تزهقوا من الرغى الكتير مع أن كل قصة يتكتب عنها كتير..

هنزل عن كل قصة لوحدها بعدين 😉

الكاتبات عارفين رأيى فيهم وأنى بحب لمتهم فى كتابتهم ربنا يديم عليهم تجمعهم 💙🤲🏻

#مكتبة_دنيا

#قراءات_٢٠٢٥