رواية عين القرش رواية بوليسية نفسية ودا النوع اللى بفضله فى روايات الجريمة، الكاتب قدر يشدنا من أول كلمة، بداية من إسم الرواية و الإهداء ، الرواية بدأت بجثث منعرفش علاقتهم ببعض إيه و تتوالى الحقائق على مدار الرواية حتى آخر صفحة ، الكاتب استخدم طريقة السرد بالفلاش باك ، مشاهد ناقصة و بتبدأ تكتمل مع تتابع الأحداث كقطع البازل ودا خلى الرواية شيقة جدا ،تعدد الأزمنة و اكتمال المشاهد فتكتمل الحقائق و نبدأ نفهم ليه كل دا حصل ! الجانب النفسي فى الرواية واضح جداً الكاتب اشتغل على ازاى يطلع بينا قاتل متسلسل ؟ نشأته ،حياته ،أهله ،دوافعه رسم شخصيته من مظهره و أدواته وأكله و علاقته بباقى الشخصيات وعلاقة باقى الشخصيات ببعض واضح بذل المجهود فيه ،لغة الكاتب فصحى جيدة و سلسة ،استمتعت بالرواية جدا