يلهوي يلهوي يلهوي على الجمال والسلاسة والغموض والمعاني والدروس وأهم حاجة طبعا خفة الدم حاجة كدا زي التوتة الصغيرة اللي بتبقى فوق قطعة الجاتوه هي اللي بتلفت نظرك وبتكمل المنظر الجميل وخفة الدم كدا في الرواية دي حرفيا تحفة بس زي ماقطعة التوتة الصغيرة الجميلة مش كفاية لوحدها وقطعة الجاتوه مكونة من طبقات كتير ونكهات كتير كمان الرواية كل حاجة فيها تحفة من اول السرد للاثارة والتشويق للغموض في القضايا للحكم والدروس اللي فيها واللي بتكون بطريقة استنتاجية مش توجيهية وانا منصدمة بصراحة ان دي اول عمل للكاتبة واللي في العادي مبيكونش احسن حاجة بس دا تحفة والكاتبة ميرنا المهدي ابدعت وخصوصا ان الشخصيات يمكن اكثر من القضايا تحسهم شبهك واقعيين كدا طبعا عدا حاسة نوح السادسة يعني بس مشاكلهم وحياتهم شبه مشاكلك وحياتك فدا خلاني ارتبط بيهم عاطفيا أكتر كمان عجبني اوي ان الرواية مش بس بتركز على القضايا وجانب التشويق والجريمة لا هي فيها جزء اجتماعي بيتناول حياة الابطال ومشاكلهم وحياتهم اليومية وتطورها ودا اللي ظاهر في نهاية الرواية

في النهاية لو حد قرأ الرفيو دا قبل ما يقرأ الرواية عشان عايز يعرف تستحق القراءة ولا لاء فحرفيا انا كنت بعيد قراءة كل سطر مرتين تلاتة عشان مش عايزة الرواية تخلص من حلاوتها فمش عارفة اقول ايه أكثر من كدا عشان أبين هي قد إيه تستحق وحتستمتع بيها جدا مهما كان بتحب تقرأ إيه

وفي النهاية ربنا يرزقني بصاحب زي قطز 💜