......
الروايه بتحكي عن عزبه من زمان كانت مرويه بالدم وكانت ملعونه
و بعيد سكنها الشيخ بكري وهو اللي قدر يفك اللعنه و لما مات
اهل العزبه سموها عزبه الشيخ
بطلنا كان واحد من سكان العزبه سافر بره وهو شاب ٢٠ سنة بس لما كبر قرر يرجع تاني عشان مكنش عايز يدفن بره بلده
و مع رجعوه بيكون شاهد علي احداث و جرايم الصدفه خلته جزء منها ....... 🥹
اطفال بتتقتل و اطفال بتختفي و عروسه بتقتل عريسها يوم الفرح
ايه علاقته بكل دول 🤔
وهل اللعنه رجعت تاني ؟
......
الروايه ممكن نقول عليها منفصله متصله
نفس الابطال و نفس الاماكن ولكن الاحداث ف فترات زمنيه منفصله وكل جزء بينتهي لوحده ...
الروايه ممتعه و صغيره تخلص ف قاعدة واحده 🤩
احداثها سريعه جدااا لان زي ما قلت فصول منتهيه
كمان بتناقش اكتر من قضيه لكن كانت محتاجه كل واحده تبقي مفصله بشكل اكبر عشان نقدر نتعايش مع الجانب النفسي للابطال والدوافع بتاعتهم 🫣
خاصه ان الكاتب صدر له قبل كده روايه #سيمفونيه_العقرب ودي كانت نفسيه من الدرجه الاولي
...
اجمالا الروايه حلوة مثيره سريعه انا ارشحها 🤩
وكمان لمحبي الدراما والجريمه النفسيه ارشحلهم سيمفونيه العقرب 🤩🤩