…….
كل فتره بتظهر روايه " استثنائيه " " غير تقليدية" بهدف مختلف ببحث هادف تحفه ابداعيه تدي امل ان الكتابة في مصر بخير وان فيه ناس بتتعب عشان تكتب روايه تظهر بيها حقوق غيرهم الي التاريخ تناسها او تجاهلها
قصة حياة المهندس " ادريان دانينوس " صاحب فكرة بناء " السد العالي " في روايه بتمزج بين الواقع والخيال والسحر من خلال سرد ممتع من كاتب صحفي متهم في قضيه " تزوير " فيترك وظيفته وتتحول حياته ١٨٠ درجة لبائع للكتب القديمة والي بالصدفه يقابل بينها اوراق المهندس" دانينوس"
* الروايه من النوع السحاب الي بتقرا فيها ١٠ صفحات تلاقي نفسك في ال ١٠٠ وهكذا.
* دمج الواقع بالخيال بدون حرق احداث والتسارع الي في السرد غير طبيعي حاجه عظيمه ٦٥٠ صفحة بدون ملل او تطويل ده اعجاز فعلا.
* السرد واللغه والحوار والشخصيات كلهم يستحقوا ٥ نجوم
الروايه تستحق ٥ نجوم مرتاح طبعا، عيبها الوحيد انها بتنتهي وانها هتفضل هي وشخصيتها في بالك فتره كبيره ، روايه غير قابلة للتخطي بجد