مراجعة اول عمل في 2025
- الصراحة انا اتاخرت في قراءة العمل رغم انه لفت نظري وقت صدور اعمال معرض 24 .
- انا هعتبره خير بداية للسنه بالرغم من اني عندي ملاحظات علي كام نقطة اثرت بالسلب علي قوة العمل و تقيمي النهائي الا اني الكاتب حط مجهود كبير في كتابة العمل .
- عمارة بتظهر في أرض فاضية و مفيش حد من سكنها بيظهر و مفيش غير بواب للعمارة فقط هو ده اللي الناس بتشوف ده كان دفاع لتحرك غريزة الكاتب عند علاء الكاتب المتصدر لقوائم الاكثر مبيعا انه يروح يشوف العمارة و بتكون شرارة لغوض مغامرة لايقاف قاتل متسلسل في مطارده عبر الزمن في اسكندرية ف عام 1898م .
- يمكن جزء السفر عبر الزمن مفهوش ابهار كبير لاني ده محروق في الافلام و الروايات من زمن ... لكن بالنسبالي كان الجديد و نقطة للكاتب ميخائيل عماد هو اللغة العامية اللي قدر يستخدمها في الحوار في الزمن ده كان ممتازة و نقلتني للزمن ده بجانب الوصف للشوارع و اللبس في الفترة دي .
- مشهد قراءة الفنجان ل علاء عجبني اني الكاتب طلع من كلاشية قراءة الفنجان بالطريقة التقليدية اللي مرسومه في الذهن .
- عجبني نقطة الربط بين علاء و... دي اللي قراءة العمل هيفهم قصدي 😉.
- النقطة السلبية في الرواية هو فجاة من سير احداث سريع حصل نوع من البطئ النسبي مع تطويل و رغي كتير من علاء مع نفسه مع زيادة في الوصف اوقات.
❞ فالموت حقًّا بشع ولكن الأبشع منه ألا يحيا اسمك من بعدك، وأن ينساك العالم بهذه السرعة وكأنك لم تكن. ❝
❞ غريبة هي الطريقة التي تلاحظ بها الناس بعد أن تكرههم، كيف تصير أصغر تفاصيلهم مثيرة للتقزز والسخرية كما لو أبصرت بعد عمى ❝
❞ الشك نبتة شيطانية بامتياز، فهو صالح للنمو في كل فصول السنة، وأي نفس بشرية هي تربة خصبة له. ❝