بلاغ عن حادث فى ١٣ شرق
ده فين ده
ده فى مدينة نصر
الحقوا فيه جريمة قـ***تل 🔪 🩸
اخويا ومراته وبنته كمان
مقتو***لين بأبشع الطرق يا ناس
تعالوا بسرعة فى الحال
حققوا واعرفوا مين اللى عمل كده فى عيلة الحاج عبد العظيم 🤷♀️
مفيش اقتحام ولا مسروقات
طيب ازاى
معقول اللى عملها من أهل الدار ولا يكونش انتحار…
فيه مشاكل طيب بين الأزواج 🤔
ولا فيه ماضى مرضى يوصل للانتحار…
كله هيبان فى التحقيقات خاصة أن الزوجة لسه على قيد الحياة
تفوق كده ونعرف منها شوية تفاصيل توضح لينا حصل ايه فى الليلة ديه
ما هى كده الشاهد الوحيد🤷♀️
تفاصيل ايه ده فيه حوارات ومشاكل لا حصر لها فى الصفحات ديه …
شوف دعاء لمت كل العقد والكلاكيع وحطتهم بين ايديك 😄
دايما بندى أعذار للمرض النفسى ونبررلهم تصرفات وحقيقى بنبقى متعاطفين فى بعض الحالات
اللى اثرت فيه قسوة الأهل وعماه الإنتقام
واللى التفرقة بينه وبين اخواته خليته يكن ليهم الأحقاد
وسيطرة الأم وتحكماتها حتى لو هتقضى على حياة الأولاد.
📌نعتقد أن تفاصيل الطفولة تمحى مع مرور العمر، تُنسى، بحلوها ومرها، كأنها لم تكن، ولكن المر يظل علقمًا مزعجًا يراود صاحبه ولو شابت خصلات شعره، فكل خصلة تحمل معاناة
بص هتشوف العجب بين السطور وهتتصدم من اللى مكتوب وهتقول مش معقول
ده أكيد من خيال المؤلف ومش موجود
لكن للاسف الواقع فيه أسوأ بكتير بس ربنا حامينا وعنهم مش سامعين علشان لو عرفنا بهم مش هنعرف نعيش 🥺
لأول مرة ماتعاطفش مع المرضى النفسيين أو المعقدين… أصل اللى اتعمل مش قليل انتقام كان فظيع 😢
أول قراءة ليا للكاتبة وحقيقى انبهرت بها وبطريقتها وبحبكة روايتها.. شطورة 😄👏👏👏👏
#مكتبة_دنيا
#قراءات_٢٠٢٥