▪️ميت مطلوب للشهاده
▪️ د. سمر عبد العظيم
▪️دار دون
▪️٢١٠ صفحة على أبجد
▪️قصص قصيرة _ غموض _ واقعي
▪️ اول مره اقرأ عمل يتكلم بصوت الموتى ! فكرة ان الجثة اللي قدامك دي بتقولك انا اتقتلت ازاي ! بعلامات و إشارات محدش فاهمها غيرك انت ! ايوا انت أيها الطبيب الشرعي ! بحسدك عالموهبة دي ومبهورة بيك وبذكائك في الوصول للحل ... جل لغز الجريمة ...
▪️الكتاب ده مختلف ومثير للعقل والفكر ، كتاب عبارة عن قصص مختلفة لجرائم حدثت مختلفه في أسبابها وحيثياتها ، متاشبهه في صوت الحق اللي بتحاول توصله للطبيب اللي بيكشف عليها ...
▪️العمل جميل ومدعوم بالعلم والتفاصيل لكل جريمة وشرح مبسط من الطب الشرعي يفهمك ليه ؟ وازاي ؟
▪️ حبيته واتمنى اشوفه مسلسل قريب ...
▪️إقتباسات /
- الذكاء ليس كله من الممكن اصطناعه.. وبعض الذكاءات لا تُتوارث ولا تُدرَّس، ولكن تُعاش، ولا تنمو إلا حين تُروى.
-ولكن حتى العفو لم يكن اختياري كسائر عمري الذي لم أختَرْ فيه شيئًا.. كلباس العيد الذي كان يجود به عليَّ أصحاب الفضل في الملجأ.. لم أختره يومًا.
- وينقضي العمر على….. لا شيء.. قضيت عمري كله مسجونًا بين سجن عار لم أقترفه إلى سجن فضل لم أستحقه، إلى سجن نفس لم تتعلم يومًا أن تحيا حُرَّة.