الرواية احداثها بتدور في قرية اسمها كوم الديبة اللي بيحصل فيها سلسلة من حوادث الغرق الغامضة للستات بس و ده بيخلي الناس تفكر في ان يكون في لعنة في القرية الرواية بتبدأ بسارة بطلة الرواية اللي بترجع للقرية بعد غياب طويل و بتكتشف أن القرية اتغيرت جدا و اللي عجبني في الرواية مزج الخرافات القديمة اللي في القرية مع تأثير السوشيال ميديا اللي بقت جزء من حياة الناس في القرية و الستات في القرية بيعانوا من تمييز كبير زى الختان او الزواج القسري و السيطرة المطلقة للرجال و مع الوقت سارة بتحاول تكتشف سر حوادث الغرق اللي بتزيد الفكرة كانت حلوة و في جمل حلوة اوى عجبتني زى "كان نوفمبر رسولاً للشتاء" و "الأجواء الغائبة تلف القرية بالكآبة" و "الشمس تبدو ككدمة في جبين السماء" لكن الرواية معجبتنيش اوى النهاية مش حلوة لأنها خلصت علي ان سارة اللي هي بطلة الرواية غرقت في الترعة وبقت واحدة من الضحايا