جدو علي عنده ( لا مش حمار 🫏) 😄

جدو علي عنده حكايات

فيها الحقيقى ومنها الخيال

بس هتستمتع فى كل الحالات

جمع الأحفاد والأبناء

صحيح الظرف مش تمام

بس الحكى فى أصعب الأوقات

بيلهى الدماغ

ويهون المصاب اللى تحت الأنقاض

اصل الزلزال كان جامد وشديد

خد المبنى وبلع اللى فيه

بس الجد قالنا على دليل نجرى نستخبى فيه

سرداب محدش دارى به غير عم شحتة وده صديقى القديم

هنفضل فيه آمنين لحد ما يعثروا علينا المسعفين

متجهز وكله تمام فيه اكل يكفينا لأيام ومياه كمان

بينا على الدكان

وبس خد عندك ومن ساعة ما نزلوا السرداب

وهاتك يا حكايات من الحرب العالمية الأولى

لحد السادات … حدوتة تسلم حدوتة من جد لجد ومع جدو ما بتنتهيش الحكاية… ما بين اساطير وخرافات ووقائع حصلت بحق وحقيقى كمان

أسرار كتير شهدت عليها اسكندريتنا اللى حبايبها كتير والطامعين فيها مترصدين

مستنين فرصة يدخلوا بها السراديب

ويكتشفوا آثار اليونانين من عواميد وتماثيل

حكى جدو كل حاجة بالتفصيل ماشاء الله عليه

ذاكرة حديد 🧿😀 بس جدو برضه اتشاقى كتير وكان له حواديت خاصة بالعبيط ياترى ده بجد ولا عامل نفسه منير الخطير 😎

هتحب طريقته فى الحكاوى و هتشفق على " مها " اللى صدعت من كلامه " عارفة با مها " 😃 وكأن مفيش غيرها قدامه 😁

وما بين سعى للخروج و أمل فى النجاة لكن من غير حكايات جدو " علي" ماظنش كانت هتعدى الأبام…

لو ليكوا فى الحكايات وذكريات الأجداد للأحفاد وكل الأحداث عن الاسكندرية واللى كان بيحصل فيها زمان وخاصة فى شارع السبع بنات اللى مكنتش أعرف عنه بس غير أن عاش فيه ريا وسكينة فى وقت ما… هتبدأ حكايات جدو من الشارع اللى هناك 😉

#مكتبة_دنيا

#قراءات_٢٠٢٤