محمد عبد الجواد وضع مكانته كحكاء عظيم وسط الأجيال الحديثة من الكتاب المصريين

وده ظهر بشكل كبير في الروايات القصيره اللي فاتت و اللي هي عظيمه جدا و من ساعتها وانا متحمسه عشان اعرف هل هيبقي مستواه في نفس الجوده في الرواية الطويلة زي القصيره ولا لا

واهه في أول تجربة رواية طويله ابهرني بمعني الكلمه

طبعا اللغه قوية جدآ وشاعرية بطريقه ما

السرد جميل جدا و ممتع انا تقريبا خلصت الرواية علي مرتين و كنت اقدر اخلصها في مره من كتر ما هي شدتني

الشخصيات تشريحها النفسي روعه و معقدة ومليانه تفاصيل

حبيت ان الرواية بتشبه الأساطير بشكل عام

لكنها أسطورة مصرية جدا

يعني البلد اللي فيها الرواية كأنها برا حدود العالم

لكنها في نفس الوقت مصرية جدا وشعب مصري

وده بيظهر اكتر في آخر الرواية

ودي نقطة في كل روايات الكاتب ان الروايات غارقة في المحلية الا اني أشعر برده ان مثلا حتي لو حد مش مصري هيفهمها من كتر ما هي سلسه ومبسطه (بدون اخلال)