عايز تشوف أى ست بتتعرض لإيه

ادخل شوف المقربين بيعملوا فيها ايه

نظرتهم ليها ازاى وبيصدقوا عنها أى كلام

من غير ما يرجعوا لأى دليل

بيلغوا الدماغ ومحاولات التفكير

ورد فعلهم بيبقى غشيم

اقرأ أى حادثة لأى بنت

هتلاقيها هى المجنى عليها وفى نفس الوقت اللى جنت على نفسها.. طيب ازاى

الرد هيكون ما هى السبب 🥺

هيرموا اللوم على شكلها، لبسها، كلامها أو حتى همسها.. المهم تطلع هى الغلط

يعنى مش ضحية لتخلف أو جهل

لا طبعا هى السبب

طيب اللى راحت مش هناخد حقها

وندور على دليل نبرأها به قبل دفنها..

برضه لأ

ندارى على الموضوع ونقول نصيبها كده

أجلها جه فى ميعاده

سكتوا الشهود وخلوهم يشهدوا زور🥺

عجلوا فى الاجراءات وسيبكم من التفاصيل واكرموا الميت بدفنه و موتوا معاه حقيقته وبلاش ننشر فضايح هيروح فيها ناس كتير وهتظهر الأسرار وهنفضل عايشين فى عار مش عارفين ندارى وشنا من الناس.. يبقى الحل فى الكتمان ولا من شاف 🫣🤫

رواية فيها كم من الوجع رهيب 😞

هتأثر فيك تفاصيلها أكيد

هتخاف من القريب قبل الغريب

أصل الضربة ديه بتوجع كتير.

أنك تتخان من أقرب الأقربين.

يبقى خلينا ايه للغريب 🤷‍♀️

#مكتبة_دنيا

#قراءات_٢٠٢٤