ما تخافش غير من كاتب ✍️ الرومانسيات
سهن كده فى نفسه وكلامه متزوق وبياكل به عقول البنات 😄 ( اللى هو مش احنا برضه علشان مابناكلش من الكلام ده 😄)
بس تخيل بقى لو كاتبك المفضل صاحب الحس المرهف يقرر يعمل شيفت كاريير ويكتبلك جريمة إنما ايه 👌
عن قاتل متسلسل موجود فى الأنحاء محدش كشفه بس هو عارفه
طيب منين وازاى وما بلغش عنه لحد دلوقتى ازاى
أكيد عنده أسباب 🤔
أصله خلاص باقى له فى الدنيا أيام
هيكتب قصته ويسلمها للدار ومش هيبقى فيه وقت للإنتقام .. خطة فى منتهى الذكاء للقبض على القاتل اللى مغلب الشرطة بقاله زمان..
بس ياترى كان ايه سبب المعرفة الهباب 😄
كاتب روايات وقاتل متسلسل طيب ازاى 🤷♀️
ايه ممكن يجمعهم ❓
ايه المشترك بينهم ❓
ولا ديه تخيلات 😴 كاتب ✍️ وخلاص وحب يعمل دعاية قبل نزول العمل فى المكتبات 😉
قرأت عن الرواية مراجعات كتير منها السلبى والايجابى اكيد
لكن تجربتى مختلفة حبتين والرواية بالنسبة ليا جمعت الشقين شوية ايجابيات على سلبيات
📌 فكرتها عجبتنى فكرة تحول الكاتب الكيوت اللى اصلا مش مقتنع باللى بيملى به السطور وبيدوب بكلامه القلوب لكاتب بيدور فى الجرائم وبيفك ألغاز 🕵🏻♂️ وبيلعب دور المخبر العجيب فى الشوارع والطرقات… دخلت مزاجى 😁
📌 التشويق موجود محستش بمط كله رغى هادف فى سياق التشويق 😄
📌 دخول جزء تحضير الأرواح ومحاولة كشف الجناة عن طريق استحضار روح القتيل ( ما حبتش دخولها فى الأحداث بس يمكن علشان أنا ماليش فى أجواء الأرواح والأشباح 👻🤷♀️)
📌 نيجى للنهاية اللى حسيتها سريعة شوية كنت أفضل ان فكرة حضور الروح تختفى فى النهاية وماتلعبش دور كنت حابة تبقى ضيف خفيف فى الرواية تأدى دورها وتختفى لكن ما تلعبش فى النهاية وتسيبها تمشى واقعية إلى حد ما.
فكرة الشر بينتصر بالرغم من كل المحاولات لايقة على الرواية ماشى مفيش كلام لكن الواحد بقى عايز شوية حلاوة النهايات مش لازم البدايات بس 😄علشان بس نخرج من السواد.
#مكتبة_دنيا
#قراءات_٢٠٢٤