تحفة وماكنتش متخيلة إنها تعجبني كدة ❤️

البداية عادية جدا مع كاتب رعب غير نشاطه وبقى يكتب مسلسلات.. الكاتب أمام مشروع لكتابة مسلسل جديد بالاجبار لسوء ظروفه المادية والاجتماعية ولكن الإلهام ينقطع عنه..

إلى اليوم اللي توصل له رسالة على الفيسبوك من واحد اسمه مصطفي القط بيقول انه مهندس ولكنه في مستشفي المجانين ومافيش حد مصدق قصته وهي إنه مات فعلا أكتر من سبع مرات!!!

ومن هنا تبدأ حكايات مصطفي القط أو حفار القبور..

فكرة الرواية جميلة ومشوقة ورغم عدد صفحاتها الكبير اللي خلاني مترددة أقرأها خوف من الملل ولكن الكاتب كان بيفاجئني مع كل حكاية .. كل ما كنت بحس إن نمط الرواية بقى هادي ومافيش حاجة جديدة.. ألاقي بلوت تويست جديدة أروع من اللي قبلها تحمسني أكمل للنهاية 😀

- فكرة الرواية الماورائية هاتنقلنا لبلاد مختلفة وثقافات مختلفة وشخصيات منها الجميل اللي هاتتأثر به ومنها اللي هاتضحك معاه ومنها اللي هاتتعجب منه أو تخاف منه.. رحلة ممتعة ومليئة بالأحداث الغريبة والمشوقة الممزوجة بالسخرية المضحكة التي أعطت لبعض الفصول نكهة فكاهية..

أعجبني إنه ناقش بطريقة ما الفقر والاحتياج.. الأمل والإحباط.. الصداقة والخيانة.. وبعض الفصول كان فيها رمزية جميلة.

-عجبني الإهداء بشكل خاص ❤️

وعجبتني النهاية جدا جدا، عجبني إن الكاتب ترك للقارئ حرية الاختيار ف إنه يكتفي بالرواية أو إنه ينتظر مغامرة جديدة.. انا هانتطر مغامرة جديدة 🤚😃

في النهاية الرواية جميلة ومشوقة وأنصح بها 👍