كتاب ( صاحبات السمو الملكي ) ⭐ ⭐ ⭐ ⭐ ⭐.

كتاب جدير بالاقتناء ورقيا ، القراءة الإلكترونية بس متنفعش معاه انا قرأته علي أبجد خلال التحدي بس صراحة يستحق الاقتناء و إن الواحد يشتريه ورقيا ويحتفظ بيه في مكتبته.

في البداية أنا افتكرته كتاب Over rated بس مطلعش كده ، لما الكاتب بيبذل مجهود حقيقي و كبير في المحتوي اللي بيقدمه للقارئ و بيبقي بيحب اللي بيقدمه فده بينجلي في كل حاجه في العمل .. الكتاب ده معمول بحب فعلا ، الكاتبة فعلا كانت بتحب الكتاب ده و هي بتكتبه و متحمسه ليه بصورة تفوق الوصف .

كبسولة تاريخية مبسطة عن حياة اخوات الملك فاروق الخمس الشقيقات منهن ( أربعة ) و الغير شقيقات ( وهي واحدة ) الكتاب يتخلله ذكر للأحداث تاريخية هامة لحقبة زمنية مهمة في تاريخ مصر بالأضافة للقطات و صور نادرة للأميرات .. اسلوب الكاتبة في سرد الأحداث مشوق و ممتع جدا و بلغة عربية سهلة .

خمس نجوم و عشرة من عشرة و خمسة من خمسة و كل درجة نهائية ينفع تتحط للكتاب ده .

الغريب بأه مع إنه كتاب تاريخي إلا إنك بتطلع منه بطاقة إيجابية غريبة و كأن الكاتبة سافرت بيك رحلة لزمن جميل كنت تتمني إنك تعيشه و تتعرف علي ناس حاجه كده بونبون في نفسها و ده يخلي مشكلتي الوحيدة مع كتاب ( صاحبات السمو الملكي )إنه كم الرقي و الاحترام اللي موجودين فيه حتي لو في اختلافات و صراعات يحسسوك إننا اد إيه بقينا جرابيع الصراحة 😅 ... إيه الناس المؤدبة ، المحترمة اللي كانت عايشه زمان دي !؟ 😅... ده احنا بقينا حدث و لا حرج عايشين في بلاعة لامؤاخذة😅.