كمية من الجحود في الرواية من جانب الزوجة والأبناء لا يستحقها سيد، صحيح هو أخذ فلوس أهله ليعمل بها مشروع، وكانت مخاطرة كبيرة لم تأتي ثمارها الا بعد أعوام قضاها وهو يعدهم بالفرج مرة بعد مرة، لكن في الآخر لما فرجت قام برد الجميل (من وجهة نظره هو) ولم يعلم الا بعد فوات الأوان أنه كان يقتل أباه بالبطيئ.

لحد هنا كانت الرواية متسقة مع بعضها، لكن ما حدث بعدها مع سيد شيئ مش مفهوم وقاسي بدون مبرر، هو اختار نور بنفس السرعة والتركيز اللي اشترى بيها الملابس منها، وواضح أنها كانت علاقة حب من طرف واحد، لكن ليه تقوم نور بكل هذه الأذية وتقلب عليه أولاده؟ طب ازاي رجل أعمال ناجح نجاح أسطوري يكون بالضعف والفشل ده في بيته؟ تناقض مش مهضوم بالنسبة لي، سيد باللي وصله ده لازم يكون شخصية قوية، قيادية ويمكن دكتاتورية، والنوع ده من الشخصيات بيكون واحد في كل أنحاء حياته، مينفعش يكون مسخة في بيته، ولا حالة الاستسلام والسلبية اللي آل ليهه في الآخر.

غير كده، بناء الرواية الدرامي من زاوية المستشفى وخميس وخلفية أزمة الأوكسجين ممتعة وتعطي جو من الإثارة، وطريقة السرد بالتناوب بين لمحة من الماضي ولمحة من الحاضر كانت تثير الرغبة في استكمال القراءة.

قرأتها ضمن تحدي أبجد للقراءة ٢٠٢٤

محمد متولي