الرواية لطيفة وخفيفة وتخلص في قعدة واحدة
يحسب للكاتب انه قدم الفكرة بدون توجيه من اي نوع لمشاعر القاريء..
في اوقات حسيت اني متعاطفة مع شهاب وفي اوقات تانية (بالذات اول الرواية) كنت ناقمة عليه بشكل كبير. وفي اوقات متعاطفة مع مريم واوقات تانية متعاطفة مع علياء.
رغم ان الطبيعي جدا بالنسبة لي كانثى اني أرفض علاقة شهاب وعلياء لكن الرواية خلصت ومقدرش اقول اني واخدة منهم موقف سلبي
كمان الأغاني اختيارها وتوزيعها علي الأحداث اكتر من رائع فعلا
ولو عملت زيي وسمعت الأغنية أثناء القراءة هتحس باندماج غريب كانك حرفيا جوة المشهد
ودي النقطة التانية اللي تحسب وبشدة للكاتب ❤️❤️❤️
واتمنى ان متكونش دي الرواية كلها ويكون في تكملة للأحداث