من الروايات إلي فضلت مأثرة فيا فترة بعد قرائتها

الكومنت فيه حرق ..

..

..

..

..

اتأثرت جدًا بكل شخصياتها المكتوبة بابداع رهيب

خاصة عزت وخميس .. وطبعا السيد

إلي كان نفسي يلاقي إجابة لسؤاله، وحاسة مهما كانت الإجابة فهي أرحم من الشك والحيرة

كرهت نور حتى النخاع .. وكرهت إن اسمها نور

شخصية توكسيك حقيقي زي ما بيقول الكتاب

ورغم إن سماتها ممكن كانت بسبب مرضها، بس مقدرتش أتعاطف معاها خالص، يمكن بسبب تشابه أسامينا كنت قاسية في الحكم عليها، ويمكن خوفت منها ..

حزنت على السيد جدًا، إلي عاش طول عمره وقصاده شبح وسؤال ملوش إجابة، وإلي رغم ثرائه وامتلاكه لكل حاجة حلم بيها، بس فضل قلبه فاضي ..

بحاول أتخيل مسار حياته لو مكانش شاف قوس قزح الخاص بيه، سواء كان قوسه فكرة الثراء أو جوازه من نور أو البيتين الجداد،

وأرجع أطمنني إنه مجرد شخصية في رواية مش لازم أختارله نهاية مريحة.

ىواية جميلة حقيقي، أول قراءة للكاتب ومش هتبقى الأخيرة ان شاءالله