كتاب صاحبات السمو الملكي

الكتاب بيسرد حياة بنات الملك فؤاد اللي بيبدأ اسمهم كلهم بحرف الفاء بجانب اسم ابنه الملك فاروق بسبب نبؤءة عراف للملك

الكتاب مكتوب كويس وفيه توثيق لحاجات مهمة زي مثلا الإشارة لوجود بعض المقتنيات خارج مصر تخص العائلة الملكية و دا شئ مهم لان في النهاية عائلة محمد على هي جزء من تاريخ مصر مهما اختلفت الآراء

" رغم أن الشبكة في الأساس مُقدمة من زوجها الأول الإمبراطور محمد رضا پهـلوى. واختفت بعدها هذه المجموعة عن الأنظار تمامًا حتى ظهرت الأقراط للمرة الأولى في معرض كنوز فان كليف في دبي عام 2019.

‫ وبالطبع لا أحد يعرف كيف خرجت مجموعة المجوهرات من مصر، ولا كيف وصلت للدار في باريس، ولا مصير باقي المجموعة النادرة، ولا يزال مصير العقد والتاج والخاتم مجهولا! "

فيه توثيق لمقتنيات وتوضيح لأمور وبرضو فكرة وجود الرأي والرأي الآخر دا شئ طبيعي جدا في التاريخ يعني حتي الوقت الحالي لو سألت أكتر من حد هتلاقي ناس مع وضد والتاريخ نفس الشئ سواء في وقته الحي أو الكتابة عنه

الكتاب فيه تفاصيل كتير بتتحكي عن طريق حكاية كل أميرة منهم

والغلاف عجبني حسيته مناسب جدا جو العمل والفترة الملكية

#نسمة-عبداللطيف