من الكتب التقيلة نفسيًا ومش بنصح بيه لأي حد بيحاول يتعافى من صدمات الماضي وخصوصًا صدمات الأسرة
الكتاب متشعب جدًا ويخرج منه موضوعات كتير لكتب تانية من الصفر
في لحظات ما مقدرتش استوعب أن ممكن آباء بدون ما يحسوا يسبب كل الألم ده لأولادهم واللي بيستمر معاهم سنين وبيأثر على حياتهم فيما بعد
لكن الواقع بيقول لا في وبيفضلوا يمكن للنهاية بيدمروا في اولادهم جايز بدون ما يشعروا أو حتى وهما مستوعبين ده.
الكتاب مكتوب بلغة فصحى راقية وخلتني استمتع بيها فعلًا، كمان مقسم بشكل منظم جدًا وتناول جميع التأثير وشكل الشخصيات اللي بتخرج بناءً على كم الصدمات أو المواقف والتأثيرات اللي بتتعرض لها على مر السنين سواء من الأشخاص في الدوائر القريبة أو الأبعد
من الكتب اللي تستحق مراجعة مطولة فعلًا وإعادة قراءة وهحاول أعمل ده