من أفضل الكتب اللي قرأتها عن النرجسي والعلاقة مع نرجسي
كل التفاصيل واضحة ومكتوبة صح جدًا ولو حد قابل شخصين في علاقة نرجسية وعارفهم تفاصيلهم هيلاقي أن الكتاب ده بيشرحها بالتفصيل
حقيقي بكون مشفقة على الأشخاص في العلاقات الشبيهة بالشكل ده لكن الوقوع في الفخ غير خالص رؤيته من بعيد
الكتاب بيوضح أنواع الشخص النرجسي وكيفية بدء علاقاته واحتواء الضحية وحبها في البداية عشان يقدر يستنزفها فيما بعد بأكبر قدر يقدر عليه
قتلها معنويًا وجسديًا ونفسيًا وقطعها عن جميع علاقاتها حتى وأن كانت علاقات أهل من الدرجة الأولى
وأيه هي اللأعيب اللي بيقوم بيها عشان يفضل محاصر ضحيته حتى في محاولات التخلي اللي بتقوم بيها الضحية في كل مرة
كمان بتقدم الكاتبة حلول في نهاية الكتاب أو طرق الهروب من العلاقة مع النرجسي ونقاط ضعفه اللي ممكن النجاح في الهروب من خلال استغلالها
الكتاب منظم وكل جزء فيه مكتوب تحت عنوان مناسب له وأن كان في بعض الأحيان كان بيكون في كلام مكرر أو تم توضيحه مسبقًا
من الكتب اللي حبيتها وبنصح بيه جدًا