من اسم الرواية توقعت إنها جريمة بشكل كامل لأني مقرأتش نبذة عنها.
لكن مع الصفحات الأولى بنبدأ نعرف أن في حاجة تانية خالص أقوى من الجريمة
فكرة البيت المسكون مستهلكة، لكن الكاتب قدر يخرج بيها إلى نطاق تاني ويدخلنا في العهد مع الطوارق اللي هما قبيلة كاملة من الجان وساكنة بيت المتولي اللي بتحصل فيه أكثر من جريمة ورا بعض.
فكرة التحقيق اللي ماشي في خط موازي مع الفلاش باك اللي بيعرفك تاريخ البيت ده ومين هو المتولي وإزاي بيوصلك أنك تخاف منه ومتفهمش أيه اللي بيحصل كل ده كان جميل وخلى الرواية متماسكة لأنها لو فضلت على خط الرعب بس ماكنتش هتبقى أفضل حاجة بالنسبة لي.
النهاية وحكبتها كانت أقوى جزء في الرواية ككل،
ومشهد الكشف عن كل الأشخاص في المكان كان جيد
حبيت شخصية الكاتب ناصر والإشارة بجزء تاني للرواية
مش عارفة الكاتب هيعملها إزاي بس أتمنى تفضل بنفس فكرة الجريمة أكثر منها رعب عشان ده كان الجزء المفضل بالنسبة لي أكثر.