رواية قايين
للكاتبة سلوى رواش
عن دار ن للنشر والتوزيع
عدد الصفحات ١٤٨
الحوار والسرد فصحي
..هل نتشارك جميعاً الإثم ذاته؟ هل تسري في عروقنا دماء قايين .. هل نحمل صفاته الوراثية ؟ هل الشر متأصل فينا والخير هو مجرد شئ طارئ ؟..
الرواية بتخاطب النفس اوى بتعرفنا مكنونات جوانا ممكن منكونش واخدين بالنا منها او مدركين الشر ولا الخير هو اللى هينتصر ، او بمعنى اصح محدش بيشوف نفسه على غلط او مذنب كلنا بنشوف نفسنا ملائكه حتى لو الشر وقايين متمكن مننا لابعد حد
محتاجين كلنا نقف لحظات ونشوف دواخلنا من منظور مختلف نشوف هل فعلا احنا صح او غلط احنا اي اللى بيتحكم فينا اكتر جينات قابيل ولا جينات هابيل
الرواية بتوضح ده بتوضح شخصية يحيي واللى عانا منه كتير علشان يكتشف مين مسيطر اكتر عليه قايين ولا هابيل هل لازم ندخل ف اختبار صعب علشان ندرك ده
الرواية ممتعة جدا لابعد الحدود لون جديد اول مره اقرأه حبيته جدا وحبيت تسلسل الأحداث ترابطها الرائع حبيت الاسلوب والسرد والحوار