الرواية قصيرة، خلصتها في قعدة. شدتني، ووصلتني بعض الأفكار، بس حسيت أحلى حاجة فيها الخيال.
دمج الحلم بالحقيقة بالذكرى، بالروايح و الأشخاص.
حسيت ببعض التسرع في الأجزاء المتعلقة بالتمائم و البخور و ايزيس و الحسين. حسيت إني عايزة أقعد في الأجزاء دي شوية أو اعرف حكاياتها بشئ من التفصيل اكتر شوية.
حبيت اللغة جدا، خصوصا اللهجة الصعيدي.
نيرڤانا على ما يبدو فعلا هي قلب سلمى الحكيم، مع إن ده ممكن يدخلنا في أسئلة تانية.
تقييمي يمكن قليل، لإني بحب الحاجات اللي باين فيها الهدف أكتر، و الهدف مبانليش اوي ..
لكن أعتقد هرجع للرواية أو أجزاء منها بعدين، إن مكانش عشان ايتشف الهدف، هيبقى عشان خيالها الجميل :)