#سفريات2024

#الناجي_الوحيد

"بين جنون الإنتقام وعقدة الذنب"

انا مش من قراء أدب الرعب نهائي، يمكن دي أول مرة بقرأ وأكتب عن رواية تتتمي لأدب الرعب"مع كامل إحترامي لكتابه وقرائه"

بدأت الرواية وأنا متخيلة إنها رواية إجتماعية ف المقام الاول، ودة حقيقي إلى حد كبير

الكاتب بياخدنا معاه لرحلة عائلية، بدأت ب أسلوب"الفلاش باك" ومشهد محاولة إنتحار قوي ومشهور، بيحاول أحد الصحفيين إنه ياخد سبق صحفي وبينجح ف الوصول للشخص دة وبيقنعه يحكي له حكايته

بنشوف على مدار الرواية بداية أو بمعنى أدق "نهاية" عائلة كاملة، ف أجازة المصيف العادية بتتحول بشكل مفاجئ وسريع لسلسلة نهايات مفجعة وظاهرها كلها "قضاء وقدر"، بدأت كلها ب "مكالمة تليفون"

ياترى إيه الحكاية؟؟ إيه حكاية الساعة الناطقة وإي الرابط بينها وبين كل النهايات المتسارعة دي؟؟ وياترى مين ورا كل اللي حصل دة؟؟؟

الكاتب قدر يحافظ على تركيزي الكامل بطريقة سرد محكمة، فلاش باك كتير شوية ولكنه متوظف صح، ف كانت النتيجة إني خلصت الرواية ف يوم واحد، أصلاً كملتها رغم عدم ميلي للنوع دة من الأدب...برافو

#قراءات_حرة

#قراءات_مارس

#كتاب_لجلسة_واحدة

11/1