التقييم ⭐⭐⭐⭐

بانبيري هول🤨

منزل تدور حوله شائعات وامور غريب، ولديه سمعة سيئة..

احداث العمل تدور حول البطلة ماجي.. الي بتحاول تكتشف سر - بل اسرار - تخص ماضيها هي وعائلتها.. والمنزل الغريب!!

عن طريق خطين زمنين ماضي وحاضر بنشوف احداث حصلت في بانبيري هول واسرار بتنكشف.. مين الي ساكن هنا قبل عائلة ماجي وايه الي حصل وليه البيت دا بيدور عنه شائعات انه مسكون بالاشباح؟😱

لحد ما بنصل لنقطة التكشف وربط الخطين ببعض بكل براعة وحرافية من كاتب ممتاز..

طبعا مش محتاج اذكر ان ترجمة شيرين هنائي ممتازة ولم تخفي روح النص الاصلي♥️🤩👌🏻

عمل ممتاز ومشوق بشكل فعال جدا، مزيج رائع ما بين الاثارة والغموض ورعب (المنازل)..

وصف اكتر من ممتاز للمنزل الي هو يعتبر بطل العمل الرئيسي (((بانبيري هول))) وازاي شكله مخيف وعملاق وتحس انه بيطل عليك بنظرة متفصحة من شكل نوافذه..

سرد متماسك، كل خط ماشي بيكشف أمور جديدة وخط الماضي بيوضح معالم خط الحاضر بكل حرفية..

مشاهد القلق والتوتر كانت معدلاتها مرتفعة جدا

وانا عن نفسي حبيت خط الأب اكتر (الماضي) لأنه كانه مشوق اكتر خط ماجي (الحاضر) كان توابع لخط الماضي بس الي كان جميل جدا فيه هو كشف الاسرار واحدة واحدة بشكل ممتع جدا

بالنسبة لي العمل كان في مشاهد رعب تخوف فعلا.. معظم الناس مش شايفه ان العمل رعب أصلا بس على رأي رفعت إسماعيل في أحد اعداد ما وراء الطبيعة ان درجة الخوف ترتبط بدرجة الخيال للشخص.. وعن نفسي خوفت بجد في بعض المشاهد مش كله.. لأني كمان بخاف من تيمة رعب المنازل

شخصيات العمل من حيث التصميم والبناء كانوا من جيد لممتاز.. الأب والأم ((عائلة ماجي)) ليهم دوافع منطقية جدا وركز علي الأب 👌🏻😉

ماجي ممتازة ولها بناء تاريخي من وهي طفلة خمس سنين

وفي شخصيات تانية مش حابب اذكرهم خوفا من الحرق بس محدش فيهم خد الاهتمام زي عائلة ماجي.. يعني نقول جيد لأن في شخصية معينة في عائلة معينة مقتنعتش بأفعالها..

ومن هنا السلبيات تيجي وهي المط العمل دا ممكن يبقي اقصر من كدا ويكون ممتاز برده..

كذلك بعض جوانب النهاية ((مش كلها كبعا))

وحاجة تانية ممكن تكون مش مهمة.. المنزل في العمل كان وصفه مهيب جدا وعملاق.. ايه بقا البيت الخشبي الصغير الي على الغلاف دا🤣🤣

راحت هيبة بانبيري هول...

ودا لأن نهاية العمل غير متوقعة ومرضية جدا ليا..

ما عدا جزء صغير

وفي نهاية المراجعة عمل ممتاز ومشوق جداا ومنتظر ترجمات اخرى ل رايلي ساجر