اسم الرّواية: شمياطِس ( أو جناين ☺️)

اسم الكاتِب: هيثم موسىٰ.

عدد الصّفحات: ٢٣٦ صَفحة.

إصدار دار: إبهار للنشر والتوزِيع.

النوع: فانتازيا وادب رعب

طريقة السرد ولغة الحوار: ممتازة

التقييم : ⭐️⭐️⭐️⭐️⭐️⭐️⭐️⭐️⭐️

📌•• الروايه بدون حرق بتتكلم عن القرية وأهلها واللي صابهم أذى من الجن، بتجري الاحداث ما بين محاولات لحل الأذى عن القرية وما بين محاوله معرفه السبب الحقيقي وراء ظهور الجن في القرية وبعدين بيروح صحفي اسمه (امير )يحقق في الموضوع عشان سمع ان في بنت هناك بتحصل حواليها حاجات غريبة فقال يروح عشان يكتب تحقيق صحفي عنها و فعلا لما راح سمع حاجات رهيبة و حصل قدامه حاجات مرعبة و شاف حاجات مكانش يتوقع انه يشوفها لغاية النهايه و plot twist اللي في الاخر اللي ماتوقعتهاش خالص .. 😨

📌•• تقييمي:

اول حاجه قرأتها للكاتب كانت رواية (ديمنولوجي) فبالنسبالي شمياطس محستش أبداً انها اول رواية للكاتب بقدر التّمكُّن من الاحداث والشخصيات المرسومه بدقة وكل تفصيله فيها محسوبه 🤌🏻

هو تم تشخيصها كرواية رعب آه بس هي أصلا مش بتقوم على الرعب بشكل أساسي و أحداث الرعب بها جاءت مختلفة و مفاجآت تملأ الرواية تجعل التوقُّع صعب على القارئ ..

والاحداث خلتني احس اني بتفرج على فيلم مثير وممتع احداثه متتاليه ومليان بالإثارة وشده الاعصاب لحد ما خلصتها في يومين بس من كتر الحماس 😂

وكمان ناقشت الرواية مجموعة من الظواهر المنتشرة خاصة بين اهل الريف كنبش القبور و أعمال السحر وتداول الدجل و الشعوذة كمهنه.

واخيراً:

رواية شمياطس هي تجربه مختلفه غير تقليديه بجرعات رعب مش قليله برده، وانصح بقراءتها لكل من يريد الانفصال عن الحياة اليومية والانغراس في مغامرة مرعبه ممتعه و شكرا للكاتب هيثم موسى على الرواية التحفة دي.

وعرفت بعد قراءتها انها تمت ترجمتها للغة الانجليزيه💙