رواية من ضمن أكتر الروايات المشوقة اللي قريتها اخر خمس سنين..كمية تفاصيل وشخصيات وأحداث على مدار خطين زمنيين ماشيين بالتوازي سوا، وتنقل معمول بمهارة بينهم بدون أي ارتباك، وبالعكس دول بيكشفوا مع بعض أسرار القصة بشكل متكامل، وصولًا للنهاية المليانة صدمات غير متوقعة وبلوت تويست اتضحك فيه بمكر وذكاء على كل اللي قرا الرواية...
بالإضافة لكل دا، ف الرواية مش مجرد رواية تشويق وجريمة غامضة او حتى مجرد رواية رعب عن بيت مسكون، بل هنلاقي تحليل نفسي تقيل ومباريات نفسيه لاغلب شخصيات الرواية، ومشاكل كتير عن علاقات الابناء بالاباء والعكس، وعن التضحيات العظيمة اللي قادرة تغير مسار حيوات شخصيات عديدة في لحظة...
وكالعادة مبقاش فيه كلام يتقال عن مهارة الاستاذة شيرين هنائي وترجماتها الدقيقة الممتعة، بالإضافة لاحساسي الداخلي إن فيه روابط خفية توصل بين الرواية دي، ورواية "صدأ" إحدى روايات أستاذة شيرين العظيمة بالنسبة لي...
كل دا وأكتر يخليني أقفل آخر صفحة وأنا مستمتع جدًا باللي قريته، ومش حاسس بذرة ملل منه..