كاتب مشهور عنده رغبة قوية انه يحقق الحبكة ال ٣٧ وبيقرر انه يكتب رواية بأبطال حقيقين من ارض الواقع ! وبيعلن دا علي صفحته الخاصة وفعلا ناس كتير بتروح تعمل مقابلة معاه شخصياً عشان يعرف يختار الابطال .. وبيقع الاختيار ع ٦ اشخاص وبيتفق معاهم انهم ملكه ويتحكم فيهم براحته ولازم يسمعوا كلامه بدون تفكير لمدة ٣ شهور وبعدها كل واحد حر وبيوافقوا ويمضوا علي عقد بالكلام دا .. بس ياتري ايه هيحصل ؟ هل فعلا هتعدي المدة بسلام ويرجعوا لحياتهم الطبيعية بعد انتهاء كتابة الرواية ؟ ولا مسارهم في الرواية هيأثر علي واقعهم؟؟؟ وايه حكاية الحبكة ال ٣٧ ؟
-طول الرواية بنلف حوالين فكرة الانسان مُسير او مُخير .
-مشاهد خارجة كتير بالنسبالي مش في سياق الحدث بالعكس هي دخيلة عليه بطريقة تؤرقني انا كقارءة ،بالإضافة ان اللغة كانت ضعيفة ومُستهلكة جداً .
-بناء الشخصيات كان حلو بس مش بالعمق الكافي اللي يخليني انبهر للأسف