"منازل أبناء الطين_ العدد الأول: عواصف الغبار"
تقول الكاتبة/
❞ الاختلافَ منشأُ النزاعاتِ والحروب كما يعلم الجميع ❝
على عكس شهرة الجملة المعروفة "الاختلاف في الرأي لا يفسد للود قضية"، فالاختلاف بالفعل بيفسد كل الود وبيقيم كل الخلافات والصراعات المتوقعة وغير المتوقعة!
العدد الأول من سلسلة منازل أبناء الطين بيدور في إطار خيالي بأحداث صعبة فكرتني بقراءتي السابقة لقواعد جارتين وآخر ليالي البشر، ورغم عدم منطقية بعضها لكنها كانت مؤثرة، الحقيقة مش عارفة أحكم عالعمل من خلال العدد ده، أنا زي ما فرحت إن مرجع الكاتبة كان القرآن الكريم وكتب التفسير زي ما خفت لوهلة وحسيت تناولها للفكرة بالطريقة دي مينفعش دينيا حتى لو في إطار خيالي، الكاتبة واضح إن عندها كتير تقدمه، ومع إن دي أولى قراءاتي ليها بس أنا حاسة إنها شاطرة جدا لكن ربما لم توفق كفاية في كتابة العمل ده، في الختام.. ممكن السلسلة دي تبقى كويسة جدًا ودي مجرد بذرة ليها صعب نحكم عليها من خلالها، فرأيي إن العمل مينفعش يتحكم عليه بحلو أو وحش دلوقتي♥️!
#ريڤيو_بس_مش_ريڤيو.
#زينب_إسماعيل.