د رفعت راكب مع صديقه الاجنبي في عربيته.. الي عطلت ف وسط مقابر جزيرة مخيفة...
وفجاة بيكتشفوا انهم امام احد الزومبي.. ومفيش حل للهروب 🧟♂️💀
دي كانت افتتاحية العدد.. وكان واضح انها مشهد من منتصف الاحداث.. وكانت موفقة جدا
عدد جديد ومغامرة مثيرة جديدة.. أسطورة الموتى الاحياء 🧟🧟♂️🦉
ودا يكون اول عدد نسبة اعجابي به تكون اقل نسبة.. لأسباب بسيطة..
زي اني كنت متوقع كتير منه (لكن الحق يقال احمد خالد توفيق خد ملف جامد ف الأحداث وكسفني) لكن دا لا يمنع اني برده كنت متوقع نقطة معينة من قبل ما افتح العدد تقريبا..
و النهاية المفتوحة بتثير غضبي بشكل كبير 😑
بالذات لو نهاية زي بتاعت العدد دا
ولكن.. العدد في نقاط اخري جبارة.. شخصية مارشا مثلا.. عبقرية في تصميمها.. وحتى صديق رفعت الامريكي..
وطبعا الاحداث المرعبة ودرجات الترقب كانت ممتازة.. وفي مشهد تحفة خاص ب ليندا زوجة صديق رفعت حصل ف الفندق اثناء منتصف الليل 💀💀 (والي قراء العدد فهمني)
وكذلك مشاهد النهاية والتمهيد ليها جبارة... ومشاهد التاروت وشخصية مارشا عامتا زي ما ذكرت...
والآن.. رأس ميدوسا ترحب بكم في العدد القادم مع صاحب نظرية التشاؤم والحظ التعيس رفعت الحبيب😂♥️🦉🦉