بيبدأ العدد الرابع ب رفعت إسماعيل وهو شاكك ان احد جيرانه من آكلي لحوم البشر 🤯

وبنشوف ازاي هيقدر يحل الموضوع مع صديقه (الظابط) عادل..

فهل سيتمكن د رفعت من هدم أسطورة الكانيبالزم الشهيرة ؟🤨

عدد جديد ورحلة جديدة شيقة.. عدد ممتاز ويدل على كاتب موهوب.. احمد خالد توفيق استخدم اسلوب مميز في عرض أحداثه العدد دا..

وهو اسلوب الرسائل.. تخيل تقرأ احداث رواية بتدور عن طريق مراسلات بين صديقين.. هتحس بملل ؟!

ممكن.. لكن مع العراب صعب

في العدد دا من السلسلة انت كقارئ ممكن تكون عارف ايه الي جاي والي هيحصل.. مش تمكن من الكاتب لا هو قاصد..

لأنك عارف النهاية بس مش عارف هتحصل ازاي.. الخيوط هتربط ازاي.. والثغرات هتتقفل ازاي.. وهنا يأتي الابداع

نهاية جميلة.. لأحداث روعة، خلطة من الإثارة والرعب والغموض لآخر صفحة حرفياااا

وتقريبا ما بين الاربع الاعداد الي قرأتهم، دا افضلهم♥️♥️

ولنا لقاء آخر في جزر الهند الغربية.. وكابوس جديد 🧟‍♂️🧟💀