#مسابقات_مكتبة_وهبان
#مسابقة_ريفيوهات_ناحوم_أفندي
▪️ناحوم أفندي
▪️ سهير عبد الحميد
▪️٢٩٨ صفحة على أبجد
▪️تقييمي / ⭐️⭐️⭐️⭐️
▪️ الدار المصرية اللبنانية
▪️ أولاً أحب أقول ان دي أول مرة أقرا للست سهير عبد الحميد كنت بتابع فيديوهاتها والمعلومات التاريخيه اللي بتلقيها بكل بساطه لحد ما جت الفرصه وقولت لازم اقرأ المرادي أشوف التاريخ بيقول ايه عن موضوع مهم يخص اليهوديه والصهيونيه ..
▪️الكتاب بيتكلم في اساسه على الحاخام الأخير ليهود مصر بكل ذرة تخصه وكل معلومات جمعت عنه تخليك متزج ومعاه خطوة بخطوة .
▪️كنت بقول لنفسي قبل ما ابدأ قرائته ياترى ايه اللي هستفيده لما اقرأ كتاب ع حاخام يهودي ؟
بس الموضوع طلع اكبر بكتير انت من اول صفحه بتغوص في قلب اليهود من انواعهم وطوائفهم وافكارهم ، شعائرهم بيحبوا ايه وبيعملوا ايه انت حرفياً قاعد جوا دماغهم بإنفتاح مقريتش زيه قبل كده ، كأني خدت كورس مكثف عن اليهوديه اللي كنت لا اكاد افقه فيها شيئا ...
وبعدين دخلت في الصهيونيه واتسربت ازاي واحده واحده ماهو مش كل حاجه بتيجي فجأه دا في ترتيب وتكنيك جامد جدا ، وازاي انها انتشرت بمساعده من ناس مسلمه مصرية عربيه وكنت متفاجأه ، فاللي ساعدها مش بس غرب ويهود ...
▪️الكتاب يستحق لقب (( سياسة متتصف العصا )) انت هتخرج منه بدماغك وفكرك انت من غير اي تأثير خارجي يخليك تحب او تكره او تخون ، انت معاك كل المعلومات وشوف انت وصلت لإيه وخدت جانب مين ، ودي حاجه عجباني جدا ...
▪️الكتاب دسم جدا وعاوز وقت وورقه وقلم وفكر صافي عشان تستفيد منه جد دا بالإضافه انه غني بالمصادر والإقتباسات المنسوبة لأصحابها أو مصدرها ودا خلاه قوي ومتماسك ومصدر ثقه في كل حرف قريته .
▪️عجبني أوي احساسي اني في متحف بتفرج عالصور وانا شايله شنطتي ومعايا مرشد بيقولي هنا حصل كذا ، وده فلان الفلاني ، والصورة دي سنه كذا ، الموضوع ده كان مخليني بربط الأفكار وارسم الحدوته ...
▪️ وأهم حاجه تخليك تكمل كتاب او لا هو الإسلوب وكنت واثقه انه هيبقى سهل خفيف من واقع مشاهدتي لحاوي ست سهير عبد الحميد وبساطتها اللي انطبع على الكتابه ...
▪️ اقتباسات /
❞ كان التعايش بين اليهود والعرب في فلسطين، الفكرة الخادعة والخبيثة التي روجت لها الصهيونية ومعها محافل الماسونية . ❝
❞ الحاخام ناحوم يهودي تعاطف شأنه شأن اليهود حول العالم مع فكرة إنقاذ اليهود من الشتات والاضطهاد، فلِمَ لايكون هناك وطن للشعب اليهودي؟! ❝
❞ ردت شيلا باعتداد: إنتم أحسن تبطلوا لأن لما اليهود ياخدوا فلسطين وييجوا ياخدوا مصر إنتم تروحوا في داهية». ❝
في النهاية شكرا للتجربة الرائعة ❤️