مغامرة جديدة.. وأسطورة جديدة🎃🔥
المرة دي رحلتنا مع أسطورة الريف المصري.. وسيدة العالم السفلي.. النداهة🤯
د رفعت إسماعيل يعود لقريته ومسقط رأسه.. عشان يتفاجئ ان اخوه ندهته النداهة.. وبقاله ايام ساكت ومش بياكل ولا يشرب.. وقاعد سرحان.. في انتظار النداء الثاني لتلك الجنية.. عشان يختفي للآبد!!
طبعا صديقنا العزيز رفعت مستحيل يصدق الكلام العبثي دا.. ولازم يثبت ان كل دا خرقات🤨
ومن هنا نبدأ الرحلة الممتعة🦉💀
عدد مثير جدا وممتع وبيناقش أسطورة مشهورة جدا في مصر ولحد يومنا هذا ما زالت لها صدأ ومتصدقة 😁
مرعب في بعض مشاهده.. وغامض في الكثير منهم..
حبيت جدا خط سير الاحداث والسرد السلس (الساخر) على لسان رفعت.. الي فعلا بيكون مضحك وفعال♥️😅
لحد النهاية الي للأسف مدخلتش دماغي.. انا حبيت كشف السر والحكبة لكن فك العقدة هي الي ساذجة شوية ؟🤨
لكن... في الاخر، استمتعت، وخوفت شوية وخدت جرعة إثارة ممتازة.. مع شوية ضحك وسخرية ع أمور لا تتحمل اصلا السخرية.. ودي احلي حاجة في الدكتور حبيب جميع القراء😅♥️♥️
وحاليا.. انا رايح اسكتلندا عشان بيقولوا ان البحيرة هناك فيها وحش مرعب.. بيظهر في الظلام🦉💀♥️