عارف اني بدأت رحلة متأخرة كان المفروض ابدأها من زمان.. بس كان فيه بعض المعوقات زي اني مش عارف اشتري السلسلة ف انا هنا لازم اوجه شكر كبير لأبجد♥️
قد انتهيت للتو من اول اسطورة مع اشهر شخصية.. محبوبة د. رفعت إسماعيل ♥️
كتيب يحوي اسطورتين.. دراكيولا (مصاص دماء) و الرجل الذئب..
طريقة عرض مشوقة وسلسة.. ممتعة ومسلية، سرد حركي يعجب اي حد حتى لو مش بيحب القراءة اصلا!!
أسطورة مصاص الدماء كانت ممتازة واتعملت بأسلوب slow burn حتى النهاية (الي كانت مش بقدر جمال القصة) لكن حبيتها وحبيت مشاهد الرعب الي فيها و الإثارة ♥️💥
اسطورة الرجل الذئب.. هي الافضل بالنسبة لي، وكانت عبقرية في طريقة العرض وكذلك النهاية.. ربط الحب بالرعب دائما بيكون جميل ( لو اتعمل صح) لأني مش بحب twilight مثلا 🤨
سعيد جداا اني أخيرا بدأت في السلسلة الأشهر للراحل احمد خالد توفيق ♥️ ومستعد بكل حماس لباقي الاعداد..
النداهة.. تنتظرني 💀🎃
ملحوظة سريعة.. من اسباب تأخري في قراءة السلسلة، اني كنت بسمع عنها انها لليافعين ومش هتعجب حد في سني يعني.. لكن.. الكلام دا مش صح، ومع قرأتي لأول عدد بنفي هذا الحديث..
ما وراء الطبيعة صالحة لكل الاعمال.. إن لم تكن محتاجة قارئ 15+ ♥️♥️
هي بس سلسة وتعجب كل الاذواق مش اكتر..