احذر من كل هادى ومطيع ☺️
بياخد الضربة ويقول آمين 🤲🏻
ساكت وراسى ومش باين عليه 😌
استنى بس يا دنيا أنتِ بتقولى ايه
مش الحذر كان زمان من الشرير 😈
هو فيه ابديت 🆕نزل جديد
امااااااال اصل الكتمة وحشة وما بالك بقى لو كتمة سنين
تحويشة إنما ايه كولكشن من الغضب هيطلع عليك
والغضب بيعمى البصر 🫣
فهينولك حدفة كرسى كده
سكينة 🔪 طايرة كده
زقة قدام قطار 🚆 سريع وتعمل نفسك برىء 🤦🏼♀️
شوف 👀 الخوف بان ازاى فى عينيك 😄
اهى المجموعة القصصية ديه فيها شوية حكايات خلف الأسوار إنما ايه 🤦🏼♀️ حكايات ناس لقيت نفسها بقيت مجرمة من أفعال ماتستهلش تبقى بسببها فى الأحداث
ماتستهونش بالكتمة بقى لأنها بتولد انفجار 💥
وأنت ونصيبك بقى الضرر اللى هيصيبك منه ايه
عاهة تستمر معاك سنين ولا هتتحط فى كفن حرير 🤷♀️
١٣ قصة متنوعين فيه اللى هتتعاطف معاهم وفيه اللى هتدعى عليهم ..
بس غالبا هتطلع من المجموعة شاكك فى صوابع رجليك 😄
مجموعة خفيفة لطيفة مش لايق لطيفة على كم الشر اللى فى القصص بس عارفين قصدى ايه 😄 أنها مجموعة سريعة تتقرى فى مفيش وانت قاعد على البحر كده يمكن يهون عليك 😉
#مكتبة_دنيا
#قراءات_٢٠٢٤