أنا حقيقي عاجزة عن الكلام موجوعة جدا ومش قادرة اتخيل أن ممكن اي حد يستحمل الخيانة دي

ايوه خيانة لما مصدر الامان اللي المفروض هو يضحي بحياته علشان انتي تعيشي حياة طبيعية وآمنة هو اللي يخونك ويعملك كمين ويغدر بيكي لما انتي تجري علشان حسيتي أن والدتك محتاجاكي وأتعرضت لضرب وإهانة وتوصلي تلاقيها بتسلمك للي يدبحك

لما انتي يكون كل هدفك مش انك تعيشي حياتك لا انك توصلي بأخواتك بر الأمان وانتي تكوني اصلا محتاجة للي يوصلك البر ده

أنا أول مرة اكون قاسية واتمني أن الجزاء يكون من صنف العمل فعلا واتمني أن ام اشرقت تدوق اللي عملته في البنت مش هقول بنتها

انتهي البوح وانتهت معاه رحلة مش قادرة اوصفها مرت عليا انفعالات كتير زي ما كان في السئ زي عزام والام والعم كان في ناس تانية زي شاهين واحلي وصف سمعته لشاهين الكائن الإنساني

كان في الحاضر الغائب الدكتورة فريدة وتغريداتها وفهمت ازاي ممكن الواحد يكون طوق نجاة لناس عمرك ما شوفتيهم

وفي كمان باهر اللي مش هقدر اقول عنه إلا أنه العوض من ربنا سبحانه وتعالي شخص ممكن لو شوفتيه ما يلفتش نظرك لكن انسان عنده قدرة كبيرة علي العطاء

مهما تكتبي حاجات تعبر عن الواقع الأليم الموجود واللي ساعات بنعمل نفسنا مش شايفينه هتفضلي برضه من احب الكاتبات لقلبي اللي دايما بتدينا أمل أن بكرة اجمل وان ربنا عوضه كبير

علي قد ما كنت اول الرواية مخنوقة وكنت ببقي خايفة من الصدمات اللي هتقابلني وانا يقراها دلوقتي مش عايزاه تخلص