بدأتي رحلتي مع الرواية هي رحلة اتأخرت لمدة سنة 🙈
بس البداية قوية جدا ❤️
حبيت علاقة جهاد وسارة قوي وحبيت التواصل اللي بينهم وفي نفس الوقت الاختلاف وان محدش فيهم مضايق من الاختلاف ده بالعكس هما فاهمينه وبيتعاملوا معاه انا لسه في البداية بس مش حابة أن علاقتهم تتأثر بمواجهتهم
جهاد فعلا خايفة على سارة من أيوب وتأثيره ومعاها حق أيوب مرعب صعب اي حد يقف في طريقه وبالذات في الفترة دي بس بردوا مش صح انها ترجعها تمشي في طريق تاني لمجرد أنها تبعدها عن أيوب
على العموم هنشوف الدنيا هامشي معاهم لحد فين
حقيقي اتفاجئت بتطور الأحداث مش عايزة أحر//ق بس مضايقة جدا من سارة وأنانيتها وعدم تفكرها الا في نفسها ومشاعرها حالا نسيت ان جهاد ضحت بنفسها وسمعتها ومش بتفرج الا ازاي جهاد ترفض مع انها متأكدة أن جهاد ما ينفعش ترفض ولو حصل ورفضت سمعتها هتبوظ اكتر ما هي بايظة
الصغار اولاد العريم بدأت اتشد لهم واهتم بحكايتهم يبان أن آدم اكتر واحد فيهم غامض ويشد بس انا حاسة ان هارون اكثر غموضاً ووراه حكاية اكبر
الرواية رهيبة وتشد وضخمة وانا بقرأ زي السلحفاة 🙈 بس مستمرة بنفس الحماس ✌️
( دواؤك فيك وما تبصر ، وداؤك منك وما تشعر ، أتزعم أنك جرم صغير وفيك انطفى العالم الأكبر )
حوار أيوب مع الشيخ عبد المعز من أروع الحوارات اللي لمست قلبي كانت دموعي بتنزل وانا بقراها ❤️❤️
تسلمي يا كاري ويسلم أبداعك 💜💜