رواية: قرية الخطايا السبع
الكاتب: رافاييل مونتيز
ترجمة: فاطمة محمد
مش أول قراءة للكاتب وعارفه أن كتاباته بتكون صادمة وبالرغم من كده اتصدمت 😂
من تعريف الرواية ومن الاسم وأظن أن أغلبنا شاف فيلم
Seven
بتتكلم الرواية عن قرية تجسدت فيها الخطايا السبع (الشهوة- الشراهة- الطمع- الكسل- الغضب- الحسد وأخيرا الكبر) بطريقة ما وقعت مذكرات أحد الأفراد في يد الكاتب فقرر نشرها.
كل خطيئة بقصة مذهلة
سبع قصص شيقة وتحبس الأنفاس
خلصتها في جلسة واحدة ودي حاجه بقالي كثير معملتهاش في رواية ورقية ❤️
الرسومات الداخلية حلوة أوي أوي
وفي النهاية يظهر السؤال:
هل الشر أصيل بالبشر هل هم أصل الشرور والموبقات أم أنه الشيطان صاحب كل الفضل في الاغواء والحيد عن الطريق السليم؟
في نهاية الرواية داعبتني جملة من فيلم أو مسلسل مش فاكرة
"أعظم خدعة قام بها الشيطان أنه أقنع الإنسان بعدم وجوده"
هسيب لكم الحكم بعد القراءة
#مسابقات_مكتبة_وهبان
#مسابقة_الجريمة_ليست_كاملة_مع_أبجد